एजेन्सी । इराकमा एक विवाह समारोहमा भएको आत्मघाती बम आक्रमणमा १७ जनाको मृत्यु भएको छ भने अन्य केही घाइते भएका छन् ।
बगदादको पश्चिम अमेरियात फलुजामा एक विवाह समारोहका क्रममा विस्फोट भएको अधिकारीहरुले जनाएका छन् ।
यस विवाह समारोहमा इस्लामिक स्टेट (आईएस) को विरोध गर्ने केही स्थानीय अधिकारी समेत सहभागी भएको बताइएको छ ।
आईएसले सो विस्फोटको जिम्मेवारी लिएको छ । शिया बहुल इलाकाका केही युवा आईएसमा सामेल भएका छन् ।
