एजेन्सी । अमेरिकी राष्ट्रपति डोनाल्ड ट्रम्पले उत्तर कोरियामाथि नयाँ प्रतिबन्ध लगाउन आदेश दिएका छन् ।

राष्ट्रपति ट्रम्पको नयाँ आदेशसँगै अब अमेरिकी राज्यकोष विभागले उत्तर कोरियासँग व्यवसायिक सम्बन्ध भएका आर्थिक संस्थान तथा कम्पनीमाथि कारबाही गर्न सक्नेछ ।

हार्दिक शुभकामना !

चीनको केन्द्रीय बैंकले अन्य चिनियाँ बैंकलाई उत्तर कोरियासँगको कारोबार रोक्न निर्देशन दिएको जानकारी पनि अमेरिकी राष्ट्रपति ट्रम्पले दिएका छन् ।

संयुक्त राष्ट्रसंघले दुई साता अघि उत्तर कोरियाको परमाणु कार्यक्रमलाई लिएर नयाँ प्रतिबन्ध लगाएको थियो ।

बिहीबार नयाँ प्रतिबन्ध घोषणा गर्दै राष्ट्रपति ट्रम्पले भने, ‘मानवताका लागि सबैभन्दा खतरनाक हतियार विकसित गरेकाले उत्तर कोरियालाई जुन स्रोतबाट आर्थिक सहयोग हुँदै आएको छ, त्यसलाई रोक्नका लागि यो कदम चालिएको हो ।’

परमाणु हतियार र क्षेप्यास्त्र सम्बन्धी कार्यक्रमका लागि लगानी जुटाउन उत्तर कोरियाले लामो समयदेखि अन्तर्रा्ष्ट्रिय आर्थिक प्रणाली दुरुपयोग गरेको पनि उनले बताए ।

प्रतिक्रिया

सम्बन्धित खवर