चैत्र २८ गते रुकुम (पूर्व)
चैत्र २८ गते विहान थवाङबाट हिडेपछि अभियान टोलीले भुमे गाँउपालिकाको महतमा रहेको युद्ध स्मारकको अध्ययन अवलोकन गरेको थियो । त्यसपछि मध्य पहाडी राजमार्गमा रहेको भुमे गाँउपालिका –२ को खावाङ बजारमा कोणसभा तथा पर्चा वितरण गरियो । सम्बोधन वैकल्पिक पिबिएम तथा ३ नम्बर व्यूरो सचिव कमरेड दिपक शाहीले गर्नु भएको थियो । उहाँले अव देश पछाडि बाटो फर्कन हुदैन ,अहिले केही उपलब्धीहरु भएका छन्, तिनै उपलब्धीको जगबाट हामी अग्रगामी कार्यदिशा तर्फ अगाडि बढ्नु पर्छ भन्नुभयो । कार्यक्रम को सञ्चालन अभियान टोली सदस्य तथा विद्यार्थी नेता दिपक बिष्टले गर्नु भएको थियो । कलाकारहरुले नृत्य प्रस्तुत गरेका थिए भने नारायण योगीले गीत गाउनु भएको थियो ।
अभियान टोली बाग्लुङ जिल्लाको र रुकुम पूर्व को सिमाना पातिहाल्नाबाट रुकुम पूर्वले विदाई गरेपछि अभियान बाग्लुङ जिल्लातर्फ अगाडि बढ्यो । ३२ सय ३० मिटर अग्लोमा रहेको पातिहाल्ना कुहिरोले ढकमक्क ढाकेको थियो । सामूहिक फोटो खिचेर विदाई गरियो ।
अभियान टोलीलाई स्वागत गर्न पार्टीका ५ नम्बर व्यूरो ईन्चार्ज तथा पिबिएम केशबहादुर परियार, केन्द्रीय वैकल्पिक सदस्य तिलक बुढा र जिल्ला सचिवालय सदस्य गुञ्जमान घर्तिमगर पातिहाल्ना पुग्नु भएको थियो । आज अभियान टोली बाग्लुङको बुर्तिवाङ बसेको छ । बाटोमा पर्ने लकेही स्थानहरुमा वाल पेन्टिङ पनि गरेको छ ।
