१४ साउन विराटनगर ।
नेकपा (क्रान्तिकारी माओवादी) समर्थक अखिल नेपाल क्रान्तिकारी ट्रेड युनियनले मोरङ जिल्ला पुनर्गठन बैठक राखेर २१ सदस्यीय जिल्ला कमिटि चयन गरेको छ ।


शनिवार विराटनगरमा सम्पन्न बैठकले रत्न पराजुली इन्चार्ज ,हृदय नारायण शाह सह–इन्चार्ज र दिपेन्द्र कुमार भण्डारी अध्यक्ष रहेको २१ सदस्य कमिटि चयन गरेको हो ।
उक्त कमिटिको सदस्यहरुमा गंगा वि.क, मछिन्द्र पोख्रेल , गोविन्द दनुवार , भुवन श्रेष्ठ , राम नारायण राजवंशी , उमेश पुरी , धिरेन्द्र कुमार राजवंशी ,विनोद कुमार राजवंशी , उमेश थापा , विदुर नेउपाने ,उमेश गडेरी , विनोद पाश्वान लगायत रहनु भएको छ ।
सो बैठकको प्रमुख अतिथी रहनु भएका पार्टीका केन्द्रिय सदस्य तथा मोरङ जिल्ला इन्चार्ज विमल निरौलाले मजदुरहरुको हक अधिकार स्थापित गर्न क्रान्तिकारी माओवादी दृणता पुर्वक लागेको बताउनु भयो । उहाँले हेरक वस्तुको उत्पादनमा सामुहिकता हुने भएकोले स्वामित्वमा पनि सामुहिकता भए मात्र मजदुरहरुले न्याय पाउने भनाई राख्नु भयो । बैठकमा पार्टीका केन्द्रिय सदस्य तथा मोरङ जिल्ला सेक्रेटरी बादलले मजुरहरु संगठित भएर अन्यायको विरुद्ध लड्नु पर्ने बताउनु भयो ।
यसरी नै बैठकमा अखिल नेपाल क्रान्तिकारी टे«ड युनियान महासंघका प्रदेश नम्बर १ इन्चार्ज बाल कृष्ण बुढाथोकीले मजदुरहरु अन्यायका विरुद्ध जुट्न आह्वान गर्दै एक छाक भोकै बसेर भएपनि आफ्नो अधिकार लिनु पर्ने भनाई राख्नु भायो । उहाँले मजदुरको शक्ति एकजुट भए सर्वहारावर्गको राज्यसत्ता प्राप्त हुने भन्दै मजदुरहरुले पनि मालिक हुन पाउने व्यवस्थाको खाँचो रहेको औल्याउनु भयो ।
बैठकमा अखिल नेपाल क्रान्तिकारी टेड्र युनियान महासंघका प्रदेश नम्बर १ अध्यक्ष विष्णु चौधरीले असंगठित क्षेत्रका मजदुरहरुको लागि पनि क्रान्तिकारी टे«ड युनियानले काम गर्ने बताउनु भयो । उहाँले मजदुरका सन्तानले पनि उपयुक्त शिक्षा ,स्वास्थ्य , रोजगार र आवास पाउनु पर्ने भन्दै त्यसका लागि मजदुरहरुले अझै संघर्ष गर्न बाँकी रहेको स्पष्ट पार्नु भयो ।
बैठकमा नेकपा (क्रान्तिकारी मओवादी) प्रदेश सदस्य तथा प्रदेश १ को प्रचार तथा प्रकाशन विभाग प्रमुख अप्सरा बानियाँ , पार्टीका प्रदेश कमिटि सदस्य तथा जनवर्गिय संगठन मोरङका फ्याक्सन इन्चार्ज गणेश निरौलाले नवगठित कमिटिलाई शुभकामना दिनु भएको थियो । बैठकको अध्यक्षता तथा संचालन रत्न पराजुलीले गर्नु भएको थियो ।

प्रतिक्रिया

सम्बन्धित खवर