जेष्ठ १३

पेट्रलियम पदार्थ तथा दैनिक उपभोग्य वस्तुमा सरकारले  अत्याधिक मुल्य बढाएको भन्दै जनताको पक्षमा निरन्तर आवाज उठाउने कम्युनिष्ट  पार्टीहरु आन्दोलित भएका छन् ।

नेपाल कम्युनिष्ट पार्टी (क्रान्तिकारी माओवादी) लगायतका राजनीतिक दलहरुले सुनसरीको इटहरी उपमहानगरपालिका र धरान उपमहानगरपालिकामा नागरिकका दैनिक उपभोग्य वस्तुको बजार भाउ दिनप्रति आकाशिको भन्दै प्रदर्शन सहित कोणसभा गरेर विरोध जनाएका हुन् ।

नेकपा (क्रान्तिकारी माओवादी) सहित सडकमा आन्दोलनरत कम्युनिष्ट पार्टीहरुले  बजार भाउ नियन्त्रण गर्न माग राखेर देशैभरी संयुक्त आन्दोलन गरिरहेको बेला सुनसरी जिल्लाको नेकपा (क्रान्तिकारी माओवादी),वैज्ञानिक समाजवादी कम्युनिष्ट पार्टी नेपाल , राष्ट्रिय जनमोर्चा नेपाल समन्वय समिति लगायतका राजनीतिक पार्टीहरुले  मुल्य वृद्धिको विरोध गरेका हुन् ।

कोणसभालाई सम्बोधन गर्दै महङ्गी र नागरिकका समस्या प्रति सरकार सम्वेदनशिल नभएको नेकपा(क्रान्तिकारी माओवादी) का केन्द्रिय सदस्य तथा  सुनसरी जिल्ला इन्चार्ज डिल्लीराम बोहोराले बताउनु भयो ।

 

उहाँले पेट्रोलियम पदार्थको बढेको मुल्य फिर्ता लिइ त्यसको न्यूनतम मूल्य कायम गर्न र ग्यास ,खाने तेल , तरकारी लगायतका  दैनिक उपभोग्य वस्तुहरुको बजार भाउ नियन्त्रण गर्न सरकार समक्ष माग राख्नु भयो ।

यसरी नै कोणसभामा वैज्ञानिक समाजवादी कम्युनिष्ट पार्टी नेपालका केन्द्रिय सचिवालय सदस्य डि.वी श्रेष्ठ , राष्ट्रिय जनमोर्चा समन्वय समितिका केन्द्रिय सदस्य बालकृष्ण सुवेदीले मुल्य वृद्धिको चर्को विरोध गर्दै सम्पुर्ण क्रान्तिकारी कम्युनिष्टहरु संयुक्त संघर्षमा उत्रिने बेला आएको बताउनु भयो । उहाँहरुले शेरबहादुर देउवा नेतृत्वको सरकारलाई आकासिएको बजार भाउ नियन्त्रण नगरे कडा रुपमा संघर्षमा उत्रिने चेतावानी पनि दिनु भयो ।

प्रतिक्रिया

सम्बन्धित खवर