पोखरामा नेता श्रीनाथ अधिकारीको श्रद्धाञ्जली सभा सम्पन्न (फोटोफिचर) 

प्रकाशित मिति : २०७६ श्रावण ६

पोखरा । नेकपा (क्रान्तिकारी माओवादी) गण्डकी प्रदेशको आयोजनामा नेता श्रीनाथ अधिकारी‘श्याम’को श्रद्धाञ्जली सभा आइतबार पोखरामा सम्पन्न भएको छ । पार्टीका स्थायी समितिका सदस्य सीपी गजुरेल गौरवको प्रमुख आतिथ्यतामा सम्पन्न  श्रद्धाञ्जलीसभाको अध्यक्षता नेता चन्द्रहरि सुवेदी र सञ्चालन नेता केशबहादर परियारले गरेका थिए ।

कार्यक्रममा अधिकारीकी जीवनसाथी राधिका अधिकारी, जेठो छोरा तथा पार्टी केस नारायण अधिकारी, छोरा उज्वल अधिकारी, बुहारीहरु शुशिला थापा अधिकारी, शान्ती अधिकारी लगायतको उपस्थिति रहेको श्रद्धाञ्जली कार्यक्रममा प्रमुख अतिथि सीपी गजुरेल, छोरा नारायण अधिकारी, प्रदेशका कानुनमन्त्री हरिबहादुर चुमान, नेकपाका झलकपाणि तिवारी, राष्ट्रिय जनमोर्चाका शंकर बराल, मालेका टेकनाथा भण्डारी, समाजवादी पार्टी नेपालका टिकाराम पौडेल, साँस्कृतिक रुपान्तरण अभियानका पूर्ण गिरी, वामपन्थी नेता टेकनाथ बराल लगायतका नेताहरुले श्रद्धाञ्जली मन्तव्य राखेका थिए भने वामपन्थी नेता भक्ति लामिछानेले नेता अधिकारीको जीवनीवृतबारे चर्चा गरेका थिए ।
कार्यक्रममा प्राध्यापक, साहित्यकार, कलाकार लगायत क्रान्तिकारी माओवादी लगायत अन्य वामपन्थी पार्टीका नेता कार्यकर्ताहरुको समेत बाक्लो उपस्थिति रहेको थियो ।