दक्षिण अमेरिकाको सबैभन्दा ठूलो देश ब्राजिलमा दोस्रो चरणको राष्ट्रपतीय निर्वाचनमा दक्षिणपन्थी नेता जैर बोल्सोनारोले विजय हासिल गरेपछि राजनीतिक रुपमा ब्राजिल वाम तथा दक्षिणपन्थी दुई प्रतिद्वन्दी धारमा विभाजित हुन पुगेको छ । पहिलो चरणको निर्वाचनमा कसैको पनि वहुमत आउन नसकेपछि दक्षिणपन्थी नेता जैर बोल्सोनारो र वामपन्थी नेता फर्नान्डो हड्डाडका बीचमा दोस्रो चरणको निर्वाचन भएको थियो ।

हार्दिक शुभकामना !

पछिल्लो निर्वाचनमा बोल्सोनारोले ५५ प्रतिशत र हड्डाडले ४५ प्रतशत मत प्राप्त गरेका छन् । निर्वाचन मत प्राप्त नतिजा अनुसार बोल्सोनारो स्पष्ट बहुमतका साथ विजय हुन पुगेका छन् । सत्तामा रहेको वामपन्थीको हार र दक्षिणपन्थीको जीतले ब्राजिलमा धेरै प्रश्नहरु जन्माएको छ । संसदीय व्यवस्था मार्फत् नै समाजवादको निर्माण गर्ने भनेर केही समयदेखि सत्ता सम्हाल्दै आएका वामपन्थीहरुलाई त्यहाँका जनताले पत्याएको देखिएन । जनताको भोट मागेर समाजवादको निर्माण गरिने भन्ने वर्ग केवल निम्न पुँजीपति वर्गमात्र भएको र त्यो मजदुर वर्गसम्म पनि नभएको बहस ब्राजिलियन जनतामा प्रारम्भ भएको छ ।

निर्वाचनका बखत वामपन्थी उम्मेदवार हड्डाडले यदि दक्षिणपन्थीहरुले विजय हासिल गरेमा ब्राजिल ध्वस्त हुने र दक्षिणपन्थी नेता बोल्सोनारोले यदि वामपन्थीले जितेमा ब्राजिल भिखमंगामा परिणत हुने दावा गर्दै आएका थिए । आश्चर्यको कुरा त के पनि रहेको छ भने वामपन्थीहरुले शासन गर्दै आएको राज्यमा दक्षिणपन्थीहरुको जीत भएको छ, त्यो पनि दक्षिणपन्थी नेता बोल्सोनारोले नवसम्भ्रान्त वाम भ्रस्टाचारीहरुमाथि कार्वाही गरिने र ब्राजिलको आर्थिक उन्नति गरिने भन्ने नारा दिएर । बोल्सोनारोले दिएका यी नाराहरु दक्षिणपन्थीहरुको तर्फकाट जनताले अपेक्षा गरेका नाराहरु होइनन् । भ्रस्टाचारको अन्त्य, सुशासन, दीगो विकास, शान्ति र समृद्धि त वास्तवमा वामपन्थी नाराहरु हुन् ।

शायद नेपालको वर्तमान नेकपाको सरकार र यसले दिएका नाराहरु जस्तै नारा एकातिर र व्यवहारमा वाम नवसंभ्रान्तको उदय र संस्थागत भ्रस्टाचार, माफियाकरण, दलाली र विचौलियाकरण अभूतपूर्व रुपमा भएर नै होला ।

प्रतिक्रिया

सम्बन्धित खवर