कोरियाबाट फर्किएकाहरूलाई अवसर, तीनहजारलाई फेरि लाने

प्रकाशित मिति : २०७५ बैशाख १६

काठमाडौं, वैशाख १६ । पहिले नै दक्षिण कोरिया गएर फर्किएका तीनहजार नेपालीलाई पुनः कोरिया लगिने भएको छ । इपिएस भाषा परीक्षाका निर्देशक कृष्णप्रसाद खनालका अनुसार, कोरियाले राम्रो काम गरेर फर्किएका तीन हजारको नाम पठाएको छ पुनः परीक्षाका आधारमा हामीले पठाउने छौं ।

‘परीक्षा यही वैशाख १७ गतेदेखि नै लिने निर्णय गरेका थियौँ, तर बिदा परेका कारण वैशाख १९ गतेदेखि मात्र लिन लागेका छौँ’, खनालले भने, ‘परीक्षामा लगभग तीन हजार २०० जना सहभागी छन् ।’ लगभग ५० प्रतिशत पास गरी लैजाने कोरियाको लक्ष्य रहेको उहाँले जानकारी दिए ।

परीक्षा इपीएस कोरियाको नेपाली शाखा, ग्वार्कोमा हुनेछ । परीक्षा एकपटकमा २८ जना गरी दिनको चारपटक लिइनेछ ।