साताकाे कविता

सपनाहरू

फेरि ब्युँझिएका छन्

इच्छुकसँग

 

अँध्यारो र उज्यालोका बिच

सपनाहरू शस्त्र लिएर

उभिएका छन्

र इच्छुकसँग

वार्तालाप गर्दैछन्

 

जीवन मृत्युु र मुक्ति

सशरीर उभिएर

स्वप्नगीत गाइरहेछन्

इच्छुकसँगै

 

केहीबेर नै भए पनि

इच्छुकसँग हुँदा

स्वप्नयात्रा लय हुन्छ

आफैंभित्रको दुस्मन भने

अर्थात् धोखेबाज भने

आतङ्कित हुन्छ

र परपर सर्छ 

अनि बैरी कित्तामा

सामेल हुन्छ

इच्छुकहरूको कविता

च्यातेर फाल्छ

 

इच्छुक त

गोर्की र लुसुन झैँ

चम्किरहेछन् ।

प्रतिक्रिया

सम्बन्धित खवर