अघिल्लो दिन
महानायक
उज्यालो दिन
त्याग समर्पणको
अनुपम उदाहरण
प्रकाशमय विचारक
नवपथ निर्देशक
विश्व सर्वहारावर्गको
नव उर्जामय स्रोतक
अविजेय शूरवीर
साँच्ची साँच्ची नै
परिवर्तनको अतिउच्च शिखर
प्रभात र भविष्यको संवाहक
क्रान्ति र मुक्तिको सम्प्रकाशक

हार्दिक शुभकामना !

पछिल्लो दिन
रातारात बदिलियो
पुरा कथाको पात्र झै
कायर र गद्दार
अविश्वासी घातक
पानी आन्द्रे भयात्तुर
ब्ल्याङ्की, बर्नस्टिन
काउत्स्की र बाकुनिन
लिनप्याओ र ख्रुश्चेभ
छनतुश्य र लिलिसान
अनि देङस्याओ पिङ
केशरजंग, मनमोहन–मदन
प्रचण्ड, ओली र बाबुराम
अँध्यारो दिन
कुरुप खलनायक
सर्वहारावर्गका दुश्मन
वर्गद्वेषी इतिहास निषेधक
खुनी, निर्दयी आत्मध्वंशी
आत्मस्वार्थ साधक
क्रम गति यति बाधक
सुर लय स्वर भञ्जक
मानव संगीत ध्वंशक
निनाद नाद नाशक

परन्तु,
निश्चितै छ
क्रान्ति परिवर्तन
विद्रोह विष्फोटन
सर्वहारा मुक्त जीवन

प्रतिक्रिया

सम्बन्धित खवर