काठमाडौं । क्रान्तिकारी कम्युनिस्ट पार्टी नेपालका केन्द्रीय समिति सदस्य तथा दोलखा जिल्ला सेक्रेटरी गोविन्द काफ्ले र विद्यार्थी नेता नितम खडकालाई प्रहरीले गिरफ्तार गरेको छ । पार्टीको १० नं. ब्यूरोले जारी जनसम्बन्ध विस्तार अभियान अन्गर्तत आज (बिहीबार) साँझ रामेछापको मन्थलीमा मशाल जुलुस कार्यक्रम आयोजना गरेको थियो । मन्थलीको देवकोटा चोकमा उक्त कार्यक्रम समापन गर्न लाग्दा प्रहरीले हस्तक्षेप गरी नेताहरुलाई गिरफ्तार गरेको पार्टीका कार्यवाहक महासचिव गौरवले जारी गरेको वक्तव्यमा उल्लेख छ ।
वक्तव्यमा यो गिरफ्तारी पार्टीको जनसम्बन्ध विस्तार अभियानबाट ओली नेतृत्वको गठबन्धन सरकार आतङ्कित बनेको छ भन्ने कुराको प्रमाण भएको भन्दै शान्तिपूर्ण कार्यक्रममाथि गरिएको प्रहरी हस्तक्षेपको घोर भत्र्सना गरिएको छ । र, गिरफ्तार नेताहरुको विनासर्त एवम् अविलम्ब रिहाइको माग गरिएको छ ।
१० नं ब्यूरोले पनि वक्तव्य निकालेर प्रहरी हस्तक्षेपको घोर विरोध गर्दै गिरफ्तार नेताहरुलाई तत्काल रिहाइ गर्न जोडदार माग गरिएको छ ।
