नेकपा (क्रान्तिकारी माओवादी)का महासचिव किरणव्दारा प्युठान नगरपालिका–१, खैरा गाँजुरी निवासी कलादेवी पोखरेलको निधनप्रति भावपूर्ण श्रद्धाञ्जली व्यक्त

प्रकाशित मिति : २०७७ फाल्गुन ११

फागुन ११ प्युठान ।

नेकपा (क्रान्तिकारी माओवादी)का पोलिटब्यूरो सदस्य धनेश्वर पोखरेलकी आमा कलादेवी पोखरेलको यही फागुन १० गते राती ८७ वर्षको उमेरमा दुःखद निधन भएको छ । उहाँको निधनप्रति नेकपा (क्रान्तिकारी माओवादी)का महासचिव किरणव्दारा भावपूर्ण श्रद्धाञ्जली व्यक्तगर्दै श्रद्धाञ्जली–वक्तव्य प्रकाशित गरिएको छ, जसको पूर्णपाठ तल दिइएकोछ ः

श्रद्धाञ्जली–वक्तव्य
२०७७ फागुन ११ गते प्युठान जिल्लाको प्युठान नगरपालिका–१, खैरा गाँजुरी निवासी कलादेवी पोखरेलको ८७ वर्षको उमेरमा दुःखद निधन भएको छ । उहाँ हाम्रो पार्टीका पोलिटब्यूरो सदस्य क. धनेश्वर पोखरेलकी आमा हुनुहुन्छ । उहाँका ५ छोरी तथा ज्वाइँँ, ५ छोरा तथा बुहारी, नाती–नातिना, पनाती–पनातिना रहिआउनु भएको छ । हामी उहाँको निधनबाट निकै दुःखित भएका छौँ । उहाँले नेपाली क्रान्ति र कम्युनिस्ट आन्दोलनमा राम्रो सहयोग गर्दै आउनु भएको थियो । सिङ्गो परिवारमा कम्युनिस्ट वातावरण निर्माण गर्नमा उहाँको महत्वपूर्ण भूमिका रहेको छ । हाम्रो पार्टी नेपाली क्रान्ति र कम्युनिस्ट आन्दोलनमा सहयोग गर्दै आउनु भएकी कलादेवी पोखरेलप्रति भावपूर्ण श्रद्धाञ्जली अर्पण गर्दछ । साथै यस दुःखद क्षणमा पोलिटब्यूरो सदस्य क. धनेश्वर पोखरेल सहित सम्पूर्ण शोक सन्तप्त परिवारजनप्रति हार्दिक समवेदना व्यक्त गर्दछ ।
मिति ः फागुन ११, २०७७
किरण
महासचिव
नेकपा (क्रान्तिकारी माओवादी)