१७भाद्र चितवन,
नेकपा(क्रान्तिकारी माओवादी) चितवन जिल्ला सेक्रेटरी अशोक शर्माद्धारा विज्ञप्ती ओली सरकारले कोरोना भाइरसलाई कभर बनाएर भ्रष्टाचार, तस्करी र कमिसनको चक्करमा समय गुजारिरहेको अरोप लगाउदै प्रकाशित यस्तो भ्रष्ट सरकारका विरुद्ध संघर्षमा उत्रन जनतालाई आव्हान गर्दै विज्ञप्ती प्रकाशित गरेका छन् । विज्ञप्तीको पूर्ण पाठ तल दिइएकोछ–
विज्ञप्ती
विश्वव्यापी महामारीको रुपमा रहेको कोरोना भाइरस (कोभिड १९) नेपालमा समुदायमा प्रवेश गरिसकेको कारण भयावह स्थिति पैदा हुँदै गइरहेको छ । सरकार र त्यससंग संवन्धित सरोकारवाला पक्षको यतातिर कुनै ध्यान गएको देखिदैन । बरु कोरोना भाइरसलाई कभर बनाएर भ्रष्टाचार, तस्करी र कमिसनको चक्करमा समय गुजारिरहेको देखिदै आइरहेको छ । एकातिर जनता लकडाउनमा हुँदा भोकमरीको सिकार हुनुपर्ने अवस्था छ भने सरकारले विना कुनै विकल्प लहुलठ्ठीपूर्ण ढंगले जनतालाई घरमा थुनेर राजनीतिक गैरजिम्मेवारी प्रकट गरेको छ । अर्कातिर कोरोनावाट संक्रमित विरामीहरुका कारणले समुदाय असुरक्षित हुदा समेत सरकार र उसका महातहतका निकायहरु किम कर्तव्यविमुड देखिएका छन । विरामीलाई उपचारको छिटो छरितो व्यवस्था, क्वारेन्टाइनको बैकल्पिक व्यवस्थापन, उपचारको सर्वसुलभ प्रवन्ध जस्ता अत्यावश्यक कामप्रति शाषक वर्गका कुनै संवेदनशीलता र जिम्मेवारीवोध नदेखिनु आफैमा दुस्खलाग्दो विषय हो । चितवन जस्तो मेडिकल सिटिको रुपमा परिचित जिल्लामा समेत उपचार नपाएर नागरिकहरुको मृत्यु हुनु भन्दा लज्जास्पद स्थिति अरु केही हुदैन । यसप्रकारको स्थितिमा यहाँका शाषकहरुमा थोरै पनि लज्जावोध हुन नसक्नु अर्र्को लज्जास्पद कुरा हो । यी र यसप्रकारका सरकारी गैरजिम्मेवार हर्कतहरुले जनतालाई देशमा सरकार भएको कुनै पनि अनुभूति भएको छैन । वरु सरकार धमिलो खोलामा माछा मार्ने नियतसाथ कोरोना संकटभित्रवाट देश र जनतालाई लुट्ने र सत्ताको आयु लम्याउने खेलमा लागेको प्रष्ट भएको छ । यसप्रकारको स्थितिमा हामी जनतालाई सचेत,अनुशासित र संयमित ढंगले यो महामारीको विरुद्धमा आ–आफ्नो ठाउँबाट लाग्न अनुरोध गर्दै नेपाल सरकार र सरकार मातहतका सम्पुर्ण निकायलाई जनताको दैनिक जीवन र स्वास्थ्य जस्तो संवेदनशील क्षेत्रमा हुँदै आएका गैरजिम्मेवार कार्य र व्यवहार नदेखाउन अनुरोध समेत गर्न चहान्छौं । अन्यथा जनताको जनजिविका र जनस्वास्थ्यको संवेदनशीलतालाई ख्याल राख्दै यस्ता गैरजिम्मेवार निकायहरु विरुद्ध संघर्षमा उत्रन बाध्य हुने कुराको जानकारी समेत गराउन चहान्छौं।
धन्यवाद !!
क्रान्तिकारी अभिवादन सहित
अशोक शर्मा
सेक्रेटरी
नेकपा(क्रान्तिकारी माओवादी) चितवन

प्रतिक्रिया

सम्बन्धित खवर