काठमाडौं, कात्तिक २९ । नेपाल हस्तकला महासंघले काठमाडौंको भृकुटीमण्डपमा आयोजना गरेको १६औँ हस्तकला व्यापार मेला र १४औँ हस्तकला प्रतियोगिता सुरु भएको छ ।

मेलामा ४५ जिल्लाका दुई सयभन्दा बढी स्टल रहेका छ । जसमध्ये भारत, चीन, पाकिस्तान, श्रीलंका र बंगलादेशका २० वटा स्टल रहेको आयोजकले जनाएका छ । मेला सञ्चालनका लागि १ करोड खर्च लाग्ने र २५ लाख रुपैयाँ सरकारले तथा १ लाख रुपैयाँ उद्योग वाणिज्य महासंघले सहयोग गरेको जनाइएको छ ।

हार्दिक शुभकामना !

मंसिर २ गतेसम्म चल्ने मेलामा १० करोड रुपैयाँको कारोबार हुने आयोजकले अनुमान गरेका छ । काष्ठकला, धातुकला, चाँदी तथा अन्य धातुका गरगहना, फेल्टका सामान, ऊनी तथा सुती एवं ढाकाका सामान, पस्मिना, हातेकागजका सामान, छाला जुत्ता तथा छालाजन्य सामान, प्राकृतिक रेसा र बाँसका सामानहरू प्रदर्शनी तथा बिक्रीका लागि राखिएको छ ।

मेलालाई नेपाल उद्योग वाणिज्य महासंघ, काठमाडौं महानगरपालिका, ललितपुर महानगरपालिका, नेपाल पर्यटन बोर्ड, नेपाल चेम्बर अफ कमर्स, ललितपुर उद्योग वाणिज्य संघ, स्वच्छ व्यवसायी समूह नेपालले सहयोग गरेका छन् ।

 

प्रतिक्रिया

सम्बन्धित खवर