काठमाडौ । क्रान्तिकारी पत्रकार महासंघले भदौ १५ र १६ गते राष्ट्रिय भेला गर्ने भएको छ । महासंघको हालै बसेको केन्द्रीय कार्यालयको विस्तारित बैठकले उक्त मितिमा विशेष राष्ट्रिय भेलाको आयोजना गरेको महासंघका अध्यक्ष इन्द्र राउतले जानकारी दिए ।

अध्यक्ष राउतका अनुसार भेला काठमाडौंमा आयोजना गरिएको छ । भेलामा ७ वटै प्रदेशका अधिकांश जिल्लाबाट प्रतिनिधि पर्यवेक्षकहरु आउने बताइएको छ । भेलाको तयारीका लागि सम्पन्न कार्यालयको विस्तारित बैठकले विभिन्न उपसमितिहरु समेत निर्माण गरेको छ ।