काठमाडौं, साउन २९ । इन्डोनेशियामा हुने १८ औँ एशियन गेम्सअन्तर्गतको पुरुष फुटबलमा नेपालले आज साँझ जापानसँग खेल्दैछ । आगामी भदौ २ देखि औपचारिकरुपमा उद्धाटन हुने भनिएको एशियाली खेलकुदको फुटबलतर्फको प्रतिस्पर्धा भने अहिले चलिरहेको छ । नेपाल र जापानबीचको खेल इन्डोनेशियाको सिकाराङस्थित विबावामुक्ति रङ्गशालामा नेपाली समयानुसार साँझ पौने ७ बजे शुरु हुने अखिल नेपाल फुटबल संघ (एन्फा) ले जनाएको छ ।

यसअघि थाइल्याण्डमा १० दिनको विशेष प्रशिक्षण सकेर इन्डोनेशिया पुगेको नेपाली टोलीले आज जापानसँग खेल्दै एशियन गेम्सको शुरुवात गर्न लागेको हो । इन्डोनेशिया जानुअघि नेपाली टोली थाइल्याण्डमा दुई अभ्यास खेल खेलेको थियो । ती दुवै खेलमा नेपाल पराजित भएको थियो ।

हार्दिक शुभकामना !

एशियन गेम्सको समूह ‘डी’ मा रहेको नेपालले जापानपछि भियतनामसँग यही साउन ३१ मा भियतनाम र भदौ १ गते पाकिस्तानसँग खेल्नेछ । नेपालभन्दा जापान निकै बलियो टोली हो । जापान फिफा बरियतामा ६१ औँ र नेपाल १६१ औँ स्थानमा छ । जापान विश्वकपको अन्तिम १६ सम्मको यात्रा गरिसकेको मुलुक हो ।

प्रतिक्रिया

सम्बन्धित खवर