लन्डन । ब्रिटिस खेलाडी योहाना कोन्टा विम्बल्डन टेनिसको सेमिफाइनलमा प्रवेश गरेकी छन् ।
गएराति भएको खेलमा रोमानियाकी सिमोना हालेपलाई हराउँदै छैटौं वरियताकी कोन्टा विम्बल्डनको सेमिफाइनलमा पुगेकी हुन् ।
हालेप विरुद्धको खेलमा कोन्टा ६–७, ७–६ र ६–४ को सेटमा विजयी भइन् । जितसँगै कोन्टा पछिल्लो ३९ वर्षयता विम्बल्डन टेनिसको सेमिफाइनलमा पुग्ने पहिलो ब्रिटिस महिला भएकी छन् ।
कोन्टाले अब सेमिफाइनलमा अमेरिकी खेलाडी भेनस विलियम्सको सामना गर्नेछिन् ।
क्वाटरफाइनलमा लात्भियाकी एलिना ओस्तापेन्कोलाई ६–३ र ७–५ को सोझो सेटमा हराउँदै भेनस सेमिफाइनलमा पुगेकी हुन् ।
महिला एकलतर्फको दोस्रो सेमिफाइनलमा स्पेनकी गार्बिने मुगुरुजा र स्लोभाकियाकी रिबारीकोभा भिड्नेछन् ।
उता पुरुष एकलतर्फको खेलमा फ्रान्सका एड्रियान मानारिनोलाई ६–२, ७–६ र ६–४ ले हराउँदै सर्वियन खेलाडी नोभाक जोकोभिच क्वाटरफाईनलमा पुगेका छन् ।
प्रतिक्रिया
सम्बन्धित खवर
