धादिङबेसी । धादिङको ज्वालामुखी गाउँपालिकाका नवनिर्वाचित अध्यक्ष विनोद तिमिल्सिनामाथि सांघातिक आक्रमण भएको छ ।
विजय जुलुसबाट फर्किरहेका बेला भएको सो आक्रमणबाट तिमिल्सिनासहित ७ जना घाइते भएका छन् ।
विजय जुलुसबाट फर्किरहेका बेला एमाले कार्यकर्ताहरुले घेरा हालेर आक्रमण गरेको घाइतेहरुको भनाई छ । घाइतेहरुलाई उपचारका लागि सदरमुकाम धादिङबेसी ल्याइदै छ ।
कांग्रेस धादिङका सचिवसमेत रहेका तिमिल्सिना एमाले उम्मेदवार रामप्रसाद अधिकारीलाई २४ मत अन्तरले हराउँदै ज्वालामुखी गाउँपालिकाको अध्यक्षमा निर्वाचित भएका थिए ।
गाउँपालिकाको उपाध्यक्षमा भने एमालेकी जानुका सिंखडा विजयी भएकी छन् ।
प्रतिक्रिया
सम्बन्धित खवर
