चार महिनाअघि जब १० वर्षीया शहाना खातुनको अनुहारमा रुखको जराजस्तो मुसा आउदा उनका बाबु त्यति चिन्तित थिएनन् ।
बंगलादेशको ग्रामीण इलाकामा बस्ने शहानाको अनुहारमा जब यो मुसा फैलिन लाग्यो तब उनका बाबुलाई चिन्ता भयो र उपचारका लागि राजधानी ढाका आए ।
शहाना ‘ट्रि म्यान सिन्ड्रोम’ बाट प्रभावित निकै कम मानिसमध्ये एक हुन् र यदि उनीमाथि चिकित्सकले गरेको अनुसन्धान सही हुने हो भने संसारमा एपीडर्मोडिस्प्लासिया वेरुसिफर्मिसबाट प्रभावित भएर चर्चामा आउने कमै व्यक्तिमा पर्नेछिन् ।
यो एक दुर्लभ वंशाणुगत बिमार हो, जसमा रुखको बोक्राजस्ता संरचना मानिसको शरीरमा आउछ, खास गरी हात र खुट्टामा । संसारमा यो रोकबाट प्रभावित हुने औलामा गन्न सकिने विरामी मात्रै छन् र सबै पुरुष छन् ।
केही मानिसहरु यस रोगबाट लाचार बन्ने गरेका छन् र एक व्यक्ति जो आफ्नो सानी बच्चीलाई भएको यस्तो रोगका कारण चिन्तित बनेका छन् । अबुल बाजंदारको दुवै हातमा रुख जस्तो मासु पलाएको छ । जसको तौल पाँच किलोसम्म पुगेको छ ।
अब उनको खुट्टामा समेत यसैप्रकारको मुसा आउन थालेको छ र यो कुनै रुखजस्तो देखिन्छ । २७ वर्षीय बाजंदर यस्तो विराम भेटिएकी पहिलो बंगलादेशी हुन् । अहिले उनको ढाका मेडिकल हस्पिटलमा १६ वटा अलक सर्जरी हुनेछ ।
त्यसपछि उनले आफ्नो हातलाई पुनः प्रयोग गर्नसक्नेछन् । डाक्टरले समाचार एजेन्सी एएफपीलाई छिट्टै अस्पतालबाट डिस्जार्च गरिने जनाएका छन् ।
उनको उपचार गर्ने चिकित्सकले पनि शहानाको अनुहारमा पनि यस्तै प्रकारको समस्या आएको हो कि भन्ने आशंका गरेका छन् । उनका बाबु मोहम्म शाहजहाँलाई आफ्नी छोरीको पनि उपचार हुने कुराले थोरै सन्तोष मिलेको छ ।
उनले भने, ‘हाम्रो परिवार धेरै गरिब छ । मेरी छोरीले ६ वर्षको उमेरमा नै आफ्नी आमालाई गुमाएकी छ । मलाई मेरी छोरीको सुन्दर अनुहारबाट यी मुसाहरुलाई हटाउनेछन् ।’
चिकित्सकहरुले शहानामा यो विराम त्यति धेरै नफैलिएका कारण समयमा नै ठीक हुने विश्वास व्यक्त गरेका छन् ।
