Kiran

काठमाडौं । नेकपा क्रान्तिकारी माओवादीले देशैभरका आफ्ना कार्यकर्ताहरुलाई बाढीपहिरो जस्ता प्राकृतिक विपद्को यस घडीमा जनताका साथमा रहन र जनसेवामा जुट्न निर्देशन गरेको छ । नेता तथा कार्यकर्ताहरुलाई पहिले जतिसक्यो उद्धारका कामहरुलाई प्राथमिकतामा राखेर अघि बढ्न र त्यसपछि राहतका कामा जुट्न भनेको छ ।

पार्टी अध्यक्ष वैद्यले आन्तरिक सर्कुलर गरी यस्तो खाले निर्देशन दिएको केन्द्रीय कार्यालयका सचिव कृष्णभक्त महर्जन कगेन्द्रले बताएका छन् । उनका अनुसार अध्यक्ष वैद्यले देशभरका नेता तथा कार्यकर्तालाई फोन मार्फत् संपर्क गरी घटेका घटनाहरुको सत्यतथ्यबारे जानकारी समेत लिएका थिए । बुधवार बुद्धनगर कार्यालयमा उनी सबैसंगको भेटघाट र संपर्कमा व्यस्त थिए ।

देशभारबाट लिएको सूचना र पत्रपत्रिकामार्फत् पाएको जानकारीका आधारमा कार्यालयमा उपस्थित सहयोद्धाहरुसंग समेत निकै गम्भीरताका साथ छलफल गरेका थिए । त्यसपछि कार्यकर्ता परिचालनका लागि तुरन्त एक आन्तरिक सर्कुलर जारी गरिएको थियो । सोअनुरुप आम जानकारीका लागि प्रेषित विज्ञप्तिमा समेत यसलाई दोहर्याउंदै भनिएको छ– ‘यस अवस्थामा आफ्नो क्षमताले भ्याएसम्म पीडित जनताको सेवा तथा उद्धार गर्न सबै पङ्क्तिका कमरेडहरूलाई पनि निर्देशित गरिन्छ ।’

प्रतिक्रिया

सम्बन्धित खवर