नवलपरासी । प्रधानमन्त्री वालेन्द्र शाहले आइतबार प्रतिनिधि सभाको बैठकमा सांसदका प्रश्नको जवाफका क्रममा दिएको राष्ट्रघाती अभिव्यक्तिको असर सीमा क्षेत्रमा देखिन थालेको छ । भारतसँगको सीमा समस्याबारे दिएको अभिव्यक्ति लगत्तै नवलपरासीको सुस्ताक्षेत्रमा भारतीय सशस्त्र सीमा बल (एसएसबी) टोलीले अवरोध सुरु गरेको छ । नवलपरासी (बर्दघाट सुस्ता पश्चिम) को सुस्तास्थितनेपाली भूमिमा प्रवेश गरी निर्माणाधीन तटबन्धको काममा अवरोध पुर्याएको छ ।
नेपाली भूमिमा प्रवेश गरेको एसएसबीको टोलीले सुस्ता गाउँपालिका–५ मा निर्माण भइरहेको तटबन्धको काम रोक्न दबाब दिएकोस्थानीयलाई उधृत गर्दै । सुस्ता गाउँपालिकाका अध्यक्ष टेकनारायण उपाध्यायले बताएका छन् । निर्माणस्थलमा भारतीय सुरक्षाकर्मीआएर काम रोक्न चेतावनी दिएको स्थानीयबाट जानकारी पाएको उनले बताए । उनका अनुसार आयोजनाको ८० प्रतिशत कामसकिइसकेको छ ।
भारतीय पक्षले दाबी गरेको क्षेत्रभन्दा धेरै वर काम भइरहेको उनको भनाइ छ ।
निर्माणाधीन तटबन्धभन्दा करिब ५० मिटर पूर्वतर्फ नेपालकै भूभागमा नयाँ ठेक्काअन्तर्गत बाँध निर्माण भएको हो । स्थानीयका अनुसार२०३० सालअघि करिब ७५ हजार हेक्टर क्षेत्रफल रहेको सुस्ता अहिले झन्डै ७ हजार हेक्टरमा सीमित भएको छ । उत्तर र पश्चिमतर्फनारायणी नदी तथा दक्षिण र पूर्वतर्फ भारतको बिहार राज्यले घेरिएको यो क्षेत्र लामो समयदेखि सीमा विवादको केन्द्रमा रहँदै आएको छ।
गृह मन्त्रालयका अनुसार सुस्ता–५ स्थित नारायणी नदीको झोलुङ्गे पुल नजिक सिँचाइ विभागको परियोजनाअन्तर्गत करिब एककिलोमिटर र थप १ सय ३२ मिटर तटबन्ध निर्माण भइरहेको छ । यसको उद्देश्य सुस्तालाई नदी कटान र बाढीजन्य जोखिमबाट जोगाउनुहो ।
