फुलसँग खेलिरहेका
धर्तीका सुन्दर
कोपिला विरुद्ध
बम बर्साउने ?
तिनीहरु को हुन्
जो शान्तिको गीत गाउँदै
युद्ध हुर्काई रहेका छन् ?
जो,
यसबखत
धर्ती-मानव विरुद्ध
युद्ध-रक्तपातको महा-भारा
मृत्युको “महा-काव्य”
थोपर्न चाहन्छन्
तिनीहरु,
ब्रह्माण्डका
कुरुप बिम्ब हुन् ।
धर्ती-विद्रोहका
गर्भ-चिहान हुन् ।
यसबखत,
धर्ती-मानव विरुद्ध
शोषणको बर्बर कारखाना
द्रुत चलिरहेको छ
अँध्यारो-कुदिरहेको छ
प्रकृति-प्रेम-मानवता
बारुदको दुर्गन्धसँग
जुधिरहेको छ ।
एउटा
तुफान चल्दैछ
आँधी आउँदैछ
ज्वालमूखि फुट्दैछ
धर्ती भित्र अर्को
विद्रोही-धर्ती छ ।
म विद्रोही धर्ती हुँ
गति-ज्ञान-मुक्तिको
मिसायल
एक पटक
स्पर्श गर मेरो हृदय
जहाँ
हजारौं वर्षदेखि
सत्य फुलिरहेको छ
उक्त फुलबारीको
एक थुङ्गा फुल
तिमी पनि हौ ।
मेरो आँखामा हेर
उज्यालो हाँसिरहेको छ
जसको एक किरण
तिमि पनि हौ
मेरो गर्भमा
ज्वाराभाट नाच्दै छ
त्यो बिष्फोटित ज्वाला
तिमी पनि हौ
म विद्रोही धर्ती हुँ
तिमी धर्तीको विद्रोह हौ ।
