देशभक्त जनगणतान्त्रिक मोर्चा, नेपाल केन्द्रीय सचिवालयको बैठकले गरेका निर्णयहरुको कार्यान्वयन एवं जानकारीका लागि प्रेषित परिपत्र

प्रकाशित मिति : २०७७ पुस २८

मितिः २०७७.०९.२८

कमरेड अध्यक्ष,
……………प्रदेश समिति ।

विषय ः परिपत्र ।

देशभक्त जनगणतान्त्रिक मोर्चा, नेपाल केन्द्रीय सचिवालयको बैठक २०७७.०९.२८ गते अध्यक्ष सी.पी. गजुरेलको अध्यक्षतामा काठमाडौंमा बस्यो । बैठकले गरेका निर्णयहरुको कार्यान्वयन एवं जानकारीका लागि यो परिपत्र प्रेषित गरिएको छ ।

१. श्रद्धाञ्जली अर्पणः
विगतका जनयुद्ध, जनआन्दोलनलगायत विभिन्न संघर्षका दौरानमा शहादत प्राप्त गर्नुभएका ज्ञात÷अज्ञात शहीदहरुप्रति श्रद्धाञ्जली अर्पण गर्दै एक मिनेट मौनधारण गरियो ।
२. संगठनात्मक विषयः
(क) लुम्बिनी प्रदेश समितिका सचिव कमरेड तेज विक्रम शाहीलाई केन्द्रीय समिति एवं सचिवालय सदस्यमा मनोनयन गरिएको छ ।
(ख) संगठन निर्माण एवं विस्तारका लागि निम्नानुसारका कार्यक्रमहरु तय गरिएको छ–
(अ) नयाँ सदस्यता वितरण गर्ने ।
(आ) पुरानो सदस्यताको नवीकरण गर्ने ।
(ई) यही २०७७ चैतभरि स्थानीय तहसम्म संगठन निर्माण र विस्तारको काम गर्ने ।
(ऊ) आगामी २०७८ वैशाखमा भेला तथा सम्मेलनहरु आयोजना एवं सम्पन्न गर्ने ।
३. संघर्षका कार्यक्रमः
देशको वर्तमान राजनीतिक परिस्थितिमाथि ध्यान दिँदै निम्नानुसार संघर्षका कार्यक्रमहरु तय गरिएको छ–
(क) हाम्रो संगठनको पहलमा राष्ट्रियता, जनतन्त्र र जनजीविकालगायतका विषयहरुलाई समेटेर संघर्षका कार्यक्रमहरु सञ्चालन गर्ने ।
उपर्युक्त विषयहरुमा अन्य पक्ष एवं संगठनहरुसँग पनि सहकार्य एवं कार्यगत एकता गरेर संघर्षका कार्यक्रमहरु सञ्चालन गर्ने ।
(ख) प्रदेश समितिको पहलमा सम्बन्धित स्थानहरुका विषय एवं मुद्दाहरुलाई समेटेर स्थानीय तहसम्म संघर्षका कार्यक्रमहरु सञ्चालन गर्ने ।
(ग) निम्न नारालाई व्यापकरुपमा प्रचार–प्रसार गर्ने –
दलाल संसदीय प्रतिक्रियावादी व्यवस्था – खारेज गरौं !
संघीय जनगणतन्त्र स्थापनाका लागि – संघर्ष गरौं !!

क्रान्तिकारी अभिवादन सहित !

सी.पी. गजुरेल
अध्यक्ष