आस्विन १९ काठमान्डौ,
नेपालमा शिक्षा र स्वास्थ क्षेत्रमा भइरहेका विकृति र विसंगतिको विरोध र यस स्थितिमा सुधार गर्ने उद्देश्यका साथ १९ औं अनसनरत वरिष्ठ चिकित्सक डा. गोविन्द के.सी.को अनसनको आज २२ औं दिनमा प्रवेश गरेको छ । तर यो सरकारले उहाँका विगतका अनसनका दौरान वार्ताहरुमा भएका सहमतिहरुलाई नै कार्यान्वयन गर्ने आनाकानी गरीरहेको अवस्था देजमो नेपालका अध्यक्ष सीपी गजुरेलद्धारा एक वक्तब्यमार्फत उहाँका माग अविलमव सम्वोधन गर्न सरकारलाई चेतावनी दिनु भएको छ । वक्तव्यको पुरा पाठ निम्नअनुसार छः
डा. गोविन्द के.सी.का माग पूरा गर ।
नेपालमा शिक्षा र स्वास्थ क्षेत्रमा भइरहेका विकृति र विसंगतिको विरोध र यस स्थितिमा सुधार गर्ने उद्देश्यका साथ लामो समयदेखि सक्रिय रहनुभएका अभियन्ता वरिष्ठ चिकित्सक डा. गोविन्द के.सी.को १९ औं अनसन आज २२ औं दिनमा प्रवेश गरेको छ । उहाँको स्वास्थस्थिति नाजुक बनेको कुरा उपचारमा संलग्न चिकित्सकहरुले बताएका छन् । मूलतः विगतका अनसनका दौरान वार्ताहरुमा भएका सहमतिहरुलाई नै कार्यान्वयन गर्ने मागहरु भएको हुनाले अविलम्ब वार्ता समिति बनाई उपयुक्त मागहरु पूरा गरी उहाँको जीवन रक्षा गर्न हामी सरकारसँग जोडदार माग गर्दछौं । डा. गोविन्द के.सी.को जीवनमा खेलवाड गर्ने काम नहोस् ! हामी यो सरकारलाई चेतावनी पनि दिन चाहन्छौं ।
सी.पी. गजुरेल
अध्यक्ष
देजमो नेपाल
