नेपालगंज । भारतबाट घर फर्केका नागरिकलाई लिएर नेपालगञ्जदेखि सल्यान जाँदै गरेको बस र ट्रक आपसमा ठोक्किदा बसमा सवार ११ जना नागरिकको घटनास्थलमै र एक जनाको उपचारको क्रममा मृत्यु भएको छ । बाँकेको राप्तीसोनारी गाउँपालिकास्थित पूर्व पश्चिम राजमार्गमा गए राति भएको उक्त सडक दुर्घटना भएको हो । भारतबाट आएका नागरिक लिएर सल्यानतर्फ जाँदै गरेको ना ५ ख ५९९५ नम्बरको हायस गाडी रोकिराखेको बा ४ ख ९०६४ नम्बरको ट्रकमा गए राति करिब १२ बजे ठोक्किएर दुर्घटना भएको जिल्ला प्रहरी कार्यालयले जनाएको छ ।

प्रहरी कार्यालयका अनुसार ११ जनाको घटनास्थलमै मृत्यु भएको थियोे भने एकजनाको भेरी अस्पताल नेपालगञ्जमा उपचारका क्रममा मृत्यु भएको हो । राप्तीसोनारी गाउँपालिका–२ ठुरिया जङ्गलमा भएको दुर्घटनामा बसमा सवार अन्य २१ यात्रु घाइते भएका छन् । घाइतेहरुको भेरी अस्पतालमा उपचार भइरहेको छ । मृत्यु भएका १२ जनाकै शव भेरी अस्पतालमा राखिएको छ । मृत्यु हुनेहरुमा ११ पुरुष र एक महिला रहेका छन् । उनीहरुको सनाखतको काम भइरहेको छ ।

हार्दिक शुभकामना !

प्रतिक्रिया

सम्बन्धित खवर