नेपाली एकता समाज भारत केंद्रीय समितिको विज्ञप्ति

कोरोना वायरस महामारीमा सतर्कता अपनाउन्दैँ जनताको सेवा गरौँ

प्रकाशित मिति : २०७६ चैत्र १७

नेपाली एकता समाज भारत

 २९मार्च  दिल्ली

गत वर्ष दिसंबरमा चीन को वुहान शहरबाट नोवेल कोरोना वायरस अथवा कोविड १९को संक्रमण शुरू भयो र हाल सम्म यसको चपेटामा विश्वका झण्डै सबै देशहरु आएका छन । यस रोगको कुनै औषधि अथवा टीका छैन र दुनिया भरि सामाजिक दुरी(सोशल डिसटेंसिग), हाइजीन र लॉकडाउन गरि संक्रमणको प्रसारलाई रोक्ने प्रयास भई रहेको छ । यसका बावजूद रोगको फैलाव तीव्र गतिमा भई रहेको छ । स्पेन, इटली र अमेरिका लगायत लगभग सबै पश्चिमी मुलुकहरुमा हजारौं मानिसहरुको मृत्यु यस संक्रमणले भएको छ तथा लाखौं मानिसहरु यसको प्रभावमा परि सकेका छन । यो आगामी दिनहरुमा झन बढ्दै जाने कुरा स्वास्थ्य विशेषज्ञहरुले भनि रहेका छन ।
यी कारणहरुले गर्दा भारत र नेपाल लगायतका देशहरुमा पूर्ण लॉकडाउनको घोषणा गरिएको छ । हवाई र रेल सेवामा रोक लगाइएको छ र सडकमा वाहनहरु गुड्न दिइएको छैन । हामी जहाँ छौँ त्यहाँ नै बस्ने विवस्ता छ । यस अवस्थाले भारत भरि फैलिएर बसी रहेका प्रवासी नेपालीहरुलाई ठूलो समस्या पैदा भएको छ । आवागमनमा चालू रोकले गर्दा संगठनका कार्यकर्ताहरु चाहेर पनि अलपत्रमा परेका नेपालीहरु समक्ष पुग्न पनि सकेका छैन्न । तर हामिले मद्दत गर्ने प्रयास गरि रहेका छौँ ।
हाम्रो समाजले संक्रमणको चपेटामा परि मर्नेहरुलाई श्रृद्धांजलि दिँदैँ, कोरोना वायरसले गर्दा बिमारीको अवस्थामा परेका रोगीहरुलाई छीटो स्वास्थ्य लाभको कामना गर्दछ ।
यस विज्ञप्तिका साथै नेपाली एकता समाज भारतका आगामी दिनहरुमा प्रस्तावित सबै कार्यक्रमहरु थप सूचना न आए सम्मकालागि स्थगित गरिएको जानकारी समेत गराउँद छौ ।
संगठनले देशभरीका आफ्ना कार्यकर्ताहरुलाई जरूरी सतर्कताको पालन गर्दा समस्यामा परेका नेपाली भाई बहिनीहरुको सक्दो मद्दत गर्न आह्वान गर्द छ । आसपास बस्ने नेपालीजनले एकअर्काको पूर्ण मद्दत गर्नु पर्दछ । तपाईहरुको नजीक नेपाली भाई बहीनीहरु बाटोमा फसेका छन भने उनीहरुलाई लॉकडाउन सम्म बस्ने र खानाको व्यवस्था मिलाई दिनु पनि आजको आवश्यकता र संगठनका सदस्यहरुको कर्तव्य हो । र केन्द्रीय समितिलाई आशा छ कि संकटको यस घडीमा समाजका कार्यकर्ताहरु आफ्नो कर्तव्यको पालन पक्कै पनि गर्नु हुने छ ।
सदस्यहरुलाई कुनै किसिमको सहायताको आवश्यकता परे, केन्द्रीय समितिमा संपर्क गर्न अपील पनि गरिन्छ ।

आनंद थापा विष्णु भट्टराई
अध्यक्ष महासचीव
नेपली एकता समाज भारत