एजेन्सी । चीनले अब कोरोना भाइरसको महामारी समाप्त भएको जनाएको छ । राष्ट्रिय स्वास्थ्य आयोगका प्रवक्ताले बिहीबार यस्तो घोषणा गरेका हुन् । पछिल्लो समय चीनमा कोरोना भाइरसका नयाँ संक्रमित भेटिने क्रम मन्द भएपछि यस्तो घोषणा आएको हो । चीनको वुहानबाट सुरु कोरोना भाइरसको संक्रमण पछिल्लो समय इटाली, कोरिया, जापान, इरान लगायत १२३ भन्दा बढी मुलुकमा फैलन थालेको छ । चीनकै वुहान बाहेक अन्य सहरमा भने संक्रमण फैलन पाएको छैन । यसका लागि चीन सरकारले सुरुदेखि नै उच्च सतर्कता अपनाउँदै आएको थियो ।
हालसम्म एक लाख १० भन्दा बढीलाई कोरोना भाइरस संक्रमण देखिएको छ भने करिब चार हजारको मृत्यु भइसकेको छ । यसमध्ये अधिकांश चिनियाँ नै छन् । साथै कोरोनाको सबैभन्दा बढी प्रभावित भूमि पनि चीन नै बनेको छ ।
विश्व स्वास्थ्य संगठनले भने कोरोना भाइरसलाई पैनडेमिक अर्थात् महामारी घोषित गरेको छ । यसअघि डब्ल्यूएचओले कोरोना भाइरसलाई महामारी भनेको थिएन ।
महामारी त्यो बिमारीलाई भनिन्छ जसले एकै समयमा विश्वका अलग अलग देशका बासिन्दालाई संक्रमित गर्छ ।
डब्ल्यूएचओका अध्यक्ष डा. टेडरोज आध्यनोम गेब्रेयेसोसले भने कि अब कोरोना भाइरसका लागि महामारी शब्दको प्रयोग थालिएको थालिएको छ किनभने यो भाइरस नियन्त्रणको विषय चिन्ताजनक छ ।
यसअघि सन २००९ मा स्वाइन फ्लूलाई महामारी घोषित गरिएको थियो । विशेषज्ञहरुका अनुसार स्वाइन फ्लूका कारण कैयौँ लाख मानिसहरु मारिएका थिए ।
महामारी हुने अधिक सम्भावना त्यो बेला हुन्छ जब भाइरस एकदमै नयाँ हुन्छ, सजिलै मानिसहरुलाई संक्रमित गर्न सक्छ र मानिसहरुको सम्पर्कबाट निरन्तर फैलिरहेको हुन्छ ।
कोरोना भाइरसले यी सबै चरण पार गरिसकेको छ । अहिलेसम्म कोरोनाविरुद्धको उपचार र औषधि पत्ता लागेको छैन । यो भाइरसलाई विस्तार हुनबाट रोक्नु नै सबैभन्दा ठूलो विषय बनेको छ ।
फरवरीको अन्त्यमा डा. टेडरोजले भनेका थिए कि कोरोना भाइरसमा महामारीको रुप लिने क्षमता छ तर अहिले यो महामारी होइन किनभने हामी विश्वभरी यसको अनियन्त्रित विस्तार देखिरहेका छैनौँ ।
तर अब कोरोना भाइरसको संक्रमण विश्वका धेरै मुलुकमा पुगेको छ । ताजा आकडा अनुसार १ सय १४ देशमा १ लाख १८ हजार जनामा यो भाइरसको संक्रमण देखिएको छ ।
तर भाइरसको बारेमा भाषा या परिभाषा बदलेकै कारण यो भाइरसको तीव्र संक्रमण रोक्नमा कुनै असर पर्ने छैन । तर डब्ल्यूएचओलाई लागेको छ कि विश्वका राष्ट्रहरु कोरोना भाइरसलाई लिएर अझ बढी गम्भीर होउन् ।
डा. टेडरोजले भने, ‘ केही देश क्षमताको कमिसँग जुझिरहेका छन् । केही संसाधनको कमिले जुझिरहेका छन् । तर केही देश इच्छाशक्तिको कमिसँग जुझिरहेका छन् ।’
उनले भने, ‘विश्व स्वाथ्य संगठन चाहन्छ कि सबै देशहरु कोरोना भाइरसविरद्ध कदम चालुन्, आपातकालीन प्रतिक्रिया तन्त्रलाई लागू गरियोस् र यसको क्षमता बढाइयोस् । मानिसहरुलाई यसको खतरा र बच्ने उपायबारे जानकारी दिइयोस् ।’
