काठमाडौं । कोरोना भाइरसको संभावित संक्रमणलाई मध्यनजर गर्दै दश दलीय मोर्चाद्वारा २२ गते गर्ने भनिएको संसद भवन घेराउ कार्यक्रम हालका लागि स्थगित गरिएको छ । दश दलीय मोर्चाले अमेरिकी साम्राज्यवादी परियोजना एमसीसी सम्झौताको खारेजी र भारतले हडपेको लिम्पियाधुरा, लिपुलेक, कालापानी लगायत अतिक्रमित भूमि फिर्ताको माग गर्दै २२ गते संसद भवन घेराउ गर्ने कार्यक्रम तय गरेको थियो । दश दलीय मोर्चाको तर्फबाट देशभक्त जनगणतान्त्रिक मोर्चा, नेपालका अध्यक्ष सीपी गजुरेलले मंगलबार एक वक्तव्य जारी गरी २२ गतेको उक्त कार्यक्रम हालका लागि स्थगित गरेको जनाएका छन् ।
वक्तव्यमा भनिएको छ, “कोरोना भाइरस एउटा महामारीको रुपमा विश्वका धेरै देशमा फैलिएको र यसको संक्रमणको खतराबाट जनतामा ठूलो सन्त्रास फैलिएको विषयमा हामी जानकार छौ । नेपालमा पनि उक्त महामारीको संक्रमणको सम्भावनाबारे व्यापक जनचासो र जनसतर्कता देखिनु सकारात्मक पक्ष हो । जनस्वास्थ्य सम्बन्धी यस प्रकारको संवेदनशील र महत्वपूर्ण विषयमाथी ध्यान दिदै दश वाम पार्टीहरुको मोर्चाले भारतद्वारा अतिक्रमित नेपाली भूभाग लिम्पीयाधुरा–कालापानी–लिपुलेकको नक्शा खारेजी र उक्त भूभागमाथि नेपालको स्वामित्व कायम गराउन तथा के.पी ओली सरकारले अमेरिकी सरकारसँग गरेको राष्ट्रघाती एम.सी.सी. सम्झौताको खारेजीका लागि आगामी फाल्गुण २२ गतेको निम्ति घोषणा गरिएको विरोध प्रदर्शन र संसद भवन घेराउ कार्यक्रम नेतृत्व पंक्तिको समझदारी अनुसार हाललाई स्थगित गरिएको जानकारी सार्वजनिक गरिएको छ ।”
वक्तव्य
कोरोना भाइरस एउटा महामारीको रुपमा विश्वका धेरै देशमा फैलिएको र यसको संक्रमणको खतराबाट जनतामा ठूलो सन्त्रास फैलिएको विषयमा हामी जानकार छौ । नेपालमा पनि उक्त महामारीको संक्रमणको सम्भावनाबारे व्यापक जनचासो र जनसतर्कता देखिनु सकारात्मक पक्ष हो । जनस्वास्थ्य सम्बन्धी यस प्रकारको संवेदनशील र महत्वपूर्ण विषयमाथी ध्यान दिदै दश वाम पार्टीहरुको मोर्चाले भारतद्वारा अतिक्रमित नेपाली भूभाग लिम्पीयाधुरा–कालापानी–लिपुलेकको नक्शा खारेजी र उक्त भूभागमाथि नेपालको स्वामित्व कायम गराउन तथा के.पी ओली सरकारले अमेरिकी सरकारसँग गरेको राष्ट्रघाती एम.सी.सी. सम्झौताको खारेजीका लागि आगामी फाल्गुण २२ गतेको निम्ति घोषणा गरिएको विरोध प्रदर्शन र संसद भवन घेराउ कार्यक्रम नेतृत्व पंक्तिको समझदारी अनुसार हाललाई स्थगित गरिएको जानकारी सार्वजनिक गरिएको छ । अभिवादन सहित ।
सि.पी गजुरेल
दश दलिय मोर्चाको तर्फबाट
