काठमाडौंः माछापुच्छ्रे बैंकले ५० प्रतिशत (२ः१) हकप्रद सेयर निष्कासन मंसिर १९ गतेदेखि निष्काशन गर्ने भएको छ । सय रूपैयाँ मूल्यको एक करोड ९३ लाख २२ हजार सात सय कित्ता सेयरमा आवेदन दिन पौस २४ गतेसम्म पाइने छ ।
तीन अर्ब ८६ करोड ४५ लाख ४० हजार रूपैयाँ चुक्ता पुँजी रहेको बैंकले ५० प्रतिशत हकप्रद जारी गरेपछि चुक्ता पुँजी पाँच अर्ब ७९ करोड ६८ लाख १० हजार रूपैयाँ पुग्ने छ ।
लगानीकर्ताले सिभिल क्यापिटल लिमिटेड कमलादी काठमाडौं र माछापुच्छ्रे बैंकका सबै शाखाहरूमा आवेदन दिन पाउने छन् । हकप्रदमा बिक्री प्रबन्धकको काम सिभिल क्यापिटल लिमिटेडले गर्ने भएको छ ।
