काठमाडौं । कीर्तिपुरको होल्डिंग सेन्टरमा डुबानमा परेका सुकुम्बासीहरुको उद्दारको लागि त्यहाँ पुगेका जेनजी अभियन्ता माजिद अन्सारीलाई निर्घात घुटपिट गरी उनीसहित तीन जनालाई प्रहरीले पक्राउ गरेको छ । शनिबार होल्डिङ सेन्टरबाट अन्सारीसहित नहेन्द्र खड्का र सरिश्मा थापालाई नियन्त्रणमा लिएको स्रोतले जानकारी दिएको छ । नहेन्द्र खड्कालाई भने रिहा गरिएको छ ।
बागमतीको बाढीले गए राति होल्डिङ सेन्टरमा डुबान हुँदा त्यहाँ राखिएका सुकुम्वासीको विचल्ली भएको थियो। उनीहरूलाई सघाउन अन्सारीसहितका जेनजी युवा कीर्तिपुर पुगेका थिए। उनीहरूलाई लछारपछार र कुटपिट गर्दै प्रहरीले पक्राउ गरेको थियो । अभियन्ता अन्सारीको नाक, आँखा र मुखमा चोट लागेको छ ।
अन्सारीसहित तीनै जनालाई कीर्तिपुरस्थित प्रहरी बिटमा राखिएको थियो ।
