काठमाडाैं/१७, फागुन
हरेक महिना हुँदै आएको साहित्यिक/वैचारिक कार्यक्रम ‘सिर्जना र संवाद‘को नवौं शृङ्खला सम्पन्न भएको छ । कुनै पनि सिर्जना र विषयमाथि समीक्षा वा विमर्श गर्दै आएको यस कार्यक्रमको यो शृङ्खलामा ‘बुद्ध दर्शनमा भौतिकवाद र मार्क्सवादी दर्शन‘ माथि शनिवार इच्छुक सास्कृतिक प्रतिष्ठानको चन्द्रागिरी कक्षमा सम्पन्न भएको हो ।
यसै वियषमा गहिरो अध्ययन भएका प्रस्तोताद्वय सिताराम तामाङ र कमल चौधरीले बुद्ध दर्शन र मार्क्सवादी दर्शनमाथि आआफ्नो धारणा राखि सकेपछि सहभागीबाट जिज्ञासासहित धारणा राखिएको थियो ।
बुद्ध दर्शनबारे गहिराे अध्ययन गर्नु भएका प्राज्ञिक व्यक्तित्व सिताराम तामाङले बुद्ध दर्शनका अन्तर्यसहित मार्क्सवादसँग सम्बन्धित पक्ष, आर्थिक सामाजिक, साँस्कृतिक पक्ष र बुद्ध दर्शन अनुरुप साम्यवादी ढाँचाका बारेमा रोचक ढङ्गले आफ्नो प्रस्तुती राख्नु भएको थियो भने अर्का व्यक्तित्व कमल चौधरीले बुद्ध दर्शन, नास्तिक, आस्तिक, भौतिकवाद र उपनिषद्ले निम्त्याएका सामाजिक साँस्कृतिक पाटाहरूका बारेमा आफ्नो प्रस्तुतीलाई केन्द्रित गरेका थिए ।
इच्छुक साँस्कृतिक प्रतिष्ठानको आयोजनामा सम्पन्न विमर्शमा हिरामणि दु:खी, मित्रलाल पंज्ञानी, डा.नन्दिश अधिकारी, इस्माली, सङ्गीत स्रोता, उदय देवकोटा, विष्णु न्यौपाने, सीता शर्मा, रविन्द्र थिङ तामाङ, कौशिला गुरुङ लगायत सहभागीहरूद्वारा आआफ्नो धारणासहित छलफललाई विस्तृत बनाउनु भएको थियो ।
हरेक महिनाको तेस्रो शनिबार नियमित हुँदै आएको ‘सिर्जना र संवाद‘को यो शृङ्खला संयोजक गौरी देवकोटाबाट बुद्ध दर्शनमा रहेका केही अस्पष्ट बुझाईहरू राख्दै सञ्चालन सुरु गरिएको थियो भने उक्त कार्यक्रम एक बजे शुरु भएर साढे चार बजेसम्म गहन छलफल गर्दै टुङ्गिएको थियो ।
