५ लाख ७० हजार ऋणका लागि दृष्टीबन्दकी राखेको जग्गा जालसाँची गरी भूमाफियाले करोडौंमा किनबेच गरे, पीडितलाई फिर्ता नगरेपछि क्रान्तिकारी कम्युनिस्ट पार्टीले ग¥यो कब्जा

 

चितवन । जिल्लाको रत्ननगरपालिका वडां ६ दोरङ्गीका इन्द्रराज चौधरीले ५ लाख ७० हजार ऋणका लागि दृष्टीबन्दकी गरिदिएको जग्गा जालसाँची गरी भूमाफियाहरुले करोडौंमा किनबेच गरेका छन्  । पटक पटक जग्गा फिर्ताका लागि कुरा गर्दा पनि जग्गा फिर्ता गर्नुको सट्टा एकपछि अर्को भूमाफियालाई किनबेच भएको गुनासो पाटीएमा आएपछि क्रान्तिकारी कम्युनिस्ट पार्टी, नेपाल चितवनले उक्त जग्गा कब्जामा लिएको छ । क्रान्तिकारी कम्युनिस्ट पार्टी, नेपाल चितवन जिल्ला संयोजक विकासले एक प्रेस वक्तव्य जारी गर्दै उक्त जग्गा कब्जामा लिएको सार्वजनिक जानकारी गराउनु भएको छ । 

वक्तव्यका भनिएको छ, “यो जघन्य प्रकारको अन्याय पार्टी टुलुटुलु हेरेर बस्न सक्दैन अन्यायका विरुद्ध बोल्ने र जनतालाई न्याय दिनु हाम्रो जिम्मेवारी हो । आजका मितिदेखि उक्त जग्गा कसैले खरीद बिक्री आमोद कमोद भोग चलन गर्न पाइने छैन र नगर्न अनुरोध गर्दछौ । हाम्रो अनुरोधलाई नजर अन्दाज गरेर खरीद बिक्री, भोग चलन गरेमा पार्टी कारवाही गर्न बाध्य हुने व्यहोरा समेत अवगत गराउँदछौ । त्यसको जिम्मेवारी स्वयं हुनेछन् । लघुवित्त मिटर व्याँज जस्तै चितवनमा भुमाफियाहरुले थुप्रै आदिवासी थारु लगायत किसानहरुको जग्गा दृष्टिबन्धकीको नाममा जनतालाई सुकुम्वासी बनाउने सम्पूर्ण भूमाफियाहरुलाई कानुनको दायरामा ल्याई जनताको जिउधनको सुरक्षा गर्नको लागि राज्यसंग जोडदार माग पनि गर्दछौ ।”

वक्तव्यमा ऋण लिएदेखि भूमाफियाहरुले जालसाँची गरी पटक पटक उक्त जग्गा किनबेच गरिएका घटनाक्रमलाई यसरी प्रस्तुत गरिएको छ : 

 

 

वक्तव्यमा भनिएको छ, “एउटा आदिवासी थारुको छोराको गर्दनमा खुकुरी हानेका छन् । जबसम्म इन्द्रराज चौधरीको उचित न्याय हुँदैन, उनले लिएको ५,७०,०००।– (पाँच लाख सत्तरी हजार) को सावा ब्याज बुझाउने र उनको सम्पुर्ण जग्गा उनको नाममा आउदैन र माथिका भुमाफिया दलालहरुलाई राज्यले कारवाही गर्दैन, तबसम्म रत्ननगर नगरपालिका वडा नं. ६ प्रथम इन्द्रराज चौधरीको नाममा रहेको लाली गुराँस सहकारीले बिक्री गरेको काठमाडौं बस्ने कृष्णकुमार श्रेष्ठको नाममा रहेको ०–९–१ (नौ कठ्ठा एक धुर) र भक्त बहादुर ठकुल्ला अध्यक्ष रहेको ब्रम्हदेव प्रा.लि. संस्थाको नाममा रहेको ०–२–१७ (दुई कठ्ठा सत्र धुर) जग्गा आज वि.सं २०८०÷११÷०९ का मितिबाट क्रान्तिकारी कम्युनिष्ट पार्टी नेपाल चितवनले कब्जा गरेको छ साथै उक्त जग्गा पार्टीको नियन्त्रणमा रहेको विषय न्यायप्रेमी जनसमुदायमा जानकारी गराउँदछौं ।”