गीत

गीत

शनिबारीय साहित् ः गीत

१)विहानीको कलिलो घाम

हटाउनु छ विकृति ठामठाम

भाले बास्यो उज्यालो भो पाखा पखेरामा

अझै पनि घाम लागेन कुना कप्चेरामा

पसिना र परिश्रमको खोलो बगिराछ

जनताको जिन्दगानी खडेरीले खाछ

२)हटाउनु छ विकृति सारा

संघर्षमा दिनरात खटेर

कर्म गर फलको आस नगर है भन्छ

यस्तो खाले दर्शनले हाम्लाइ कहाँ लान्छ

विपनालाइ आफालेर सपनाको कुरा

अन्यायको काम गर्दा कैले हुन्छ पूरा

३)निरन्तर हिड्नु छ आगाडी

सहि बाटो नफर्की पछाडी

विपनाको सुख छाडि सपनाको स्वर्ग

छलकपटमा हिडेको छ शोषकको वर्ग

सोझा सादा अज्ञनी र दीनदुखीलाइ

जुकालेझै चुसको छ गरीब निमुखालाइ

४)शोषक सामन्ती जाली

जाली जति हुदैन नफाली !

भ्रष्टाचारको जालो फैलियो देशैभरी सारा

छाती खोली हिडेकाछन हेर मुलुक मारा

राष्ट्रवादको कुरा गर्छन लाज पचाएर

देश बल्ल अघि बढ्छ यिनलाई हटाएर

५)हालीमुहाली भयो दाइ तिनैको

जरो किलो उखालौ तिनैको !