भारत । भारतीय कम्युनिस्ट पार्टी (माओवादी)ले हिन्दू-ब्राह्मणवादी फासीवादी शक्तिहरूका विरुद्ध लड्न अपिल गरेकाे छ । भाकपा (माओवादी)काे तेलंगाना राज्य समितिको नाममा जारी गरिएका पोस्टरहरूले पार्टीका कार्यकर्ताहरूलाई सरकारद्वारा फैलाएको हिन्दू-ब्राह्मणवादी फासीवादी शक्तिहरू विरुद्ध लड्न र फासिस्ट विचारधारालाई पराजित गर्न आग्रह गरेको हाे।
पोस्टर र पर्चाहरू बुधबार मुलुगु जिल्लाको वेंकटपुरम मण्डलको उपेदु, वीरपुरम र गोल्लागुडेम गाउँमा स्थानीय जनतालाई शहीद सप्ताह मनाउन अपील गर्दै यस्ताे आग्रह गरिएकाे हाे ।
जुलाई 28 देखि अगस्त 3 सम्म माओवादी पार्टीले छत्तीसगढ, तेलंगाना, आन्ध्र प्रदेश, महाराष्ट्र, ओडिशा र झारखण्डलगायत सबै माओवादी प्रभावित राज्यहरूमा प्रत्येक वर्ष शहीद स्मारक सप्ताहको आयोजना गर्ने गरेकाे छ ।

यसैबीच प्रहरीले छत्तीसगढ राज्यको सीमानाका क्षेत्रसहित जिल्लाका वन क्षेत्रमा कम्बिङ अपरेसनलाई तीव्रता दिएको छ । समस्या महसुस गर्दै, आरटीसी अधिकारीहरूले शहीद स्मृति सप्ताह मनाउने क्रममा रातको समयमा वेंकटापुरम र भद्रचलम शहरहरू बीचको बस सेवाहरू बन्द गरेका छन्।

प्रतिक्रिया

सम्बन्धित खवर