सल्मोन कार्की
नेपालगन्ज :  नेकपा (क्रान्तिकारी माओवादी ) निकट अखिल (क्रान्तिकारी ) ले संगठन निर्माणको अभियानलाई तीव्र गतिका साथ अगाडि बढाएको छ । बिहीवार महेन्द्र बहुमुखी क्याम्पस अन्तर्गत बिबिएसमा अध्यनरत विद्यार्थीहरुको भेलाद्वारा सम्झना खत्रीको अध्यक्षतामा ९ सदस्यीय कमिटी चयन भएको छ । जस्मा उपाध्यक्ष समशेर खत्री सचिव आसिश ठाकुर  सहसचिव  अबिस  सिद्धिकी;  कोषाध्यक्ष अमन बैध्य र सदस्यहरुमा सत्यम बैध्य ; करिस्मा कुवंर र टोपेन्द्र न्यौपाने रहनु भएको छ ।

कार्यक्रममा अखिल (क्रान्तिकारी) का प्रदेश सदस्य मनोज थापा, नेकपा (क्रान्तिकारी माओवादी)का जिल्ला सेक्रेटरी सुरेश वलीको उपस्थिति रहेको थियो।

उक्त कार्यक्रममा अखिल (क्रान्तिकारी) प्रदेश सदस्य थापाले अतिक्रमित नेपाली भुमि फिर्ता, एमसीसी खारेजी, शिक्षा-स्वास्थ्य क्षेत्रका विकृति विसंगती, महंगी, भ्रष्टाचार लगायतका विषयलाई लिएर संगठन निरन्तर संघर्षकाे मैदानमा रहेकाे चर्चा गर्दै आम सचेत युवा विध्यार्थीहरु अब चुप लागेर बस्न नहुने बताउनु भयाे ।
नेपालको शिक्षा क्षेत्रमा मौलाएको नीजिकरण, ब्यापारिकरण, माफियाकरण, दलालीकरण, भ्रष्टीकरण, जनताको मौलिक हकका विरुद्ध हुने सबै खाले प्रतिक्रियाहरुको विरुद्ध तथा नेपाली विद्यार्थी आन्दोलन र समग्र राजनैतिक, सामाजिक, आर्थिक तथा साँस्कृतिक परिवर्तनका खातीर सडकबाट नैै अखिल (क्रान्तिकारी)ले भुमिका खेलिरहेको विद्यार्थी नेता  थापाले चर्चा गर्नुभयो ।

उक्त कार्यक्रममा नेकपा (क्रान्तिकारी माओवादी ) का जिल्ला सेक्रेटरी सुरेश वलिले वर्तमान समयमा दलाल पुँजीवादी संसदीय पार्टीहरु उनीहरुको विद्यार्थी संगठन यथास्थिति, प्रतिगमन र प्रतिक्रान्तिको गलत मार्गमा लिप्त भएपछि नेपाली समाजमा रहेका विद्यमान विकृति विसंगति, जनताको जनतन्त्र र जनजिविकालाई प्रभावित पार्ने सरकारी तथा गैरसरकारी कदमका विरुद्ध अखिल (क्रान्तिकारी ) लडिरहेको बताउनुभएको थियो ।

प्रतिक्रिया

सम्बन्धित खवर