काठमाडौं । पार्टीकाे पछिल्लाे स्थायी समितिकाे बैठककाे निर्णय अनुसार चैत्र २४ गत्तेकाे जनआन्दाेलन दिवसकाे अवसरमा नेकपा (क्रान्तिकारी माओवादी)ले देशका सातवटै प्रदेशमा बृहत् जनसभाकाे तयारी थालेकाे छ । राजनीतिक रुपमा धक्का दिने गरि भव्य रुपमा जनआन्दाेलन दिवस मनाउन क्रान्तिकारी माओवादीले पार्टी, देजमाे, जवस माेर्चाका सबै सांगठानिक संरचनाहरुलाई परिचालन गर्ने निर्यय गरेकाे छ ।
साेही अनुसार आवश्यक पुर्व तयारीका लागि ललितपुरकाे कुपोन्डोल स्थित पार्टी कार्यालयमा शनिबार पार्टीको ३ नं. प्रदेश समितिकाे बैठक सम्पन्न भएकाे छ । ३ नं. प्रदेशकाे जनशक्तिलाई केन्द्रित गरि काठमाडौंमा गरिने जनसभा केन्द्रीय जनसभा भएकाेले जनसभालाई भव्य रुपमा सम्पन्न गर्न उपत्यकाका तीन जिल्लामा अभियान नै चलाउने निर्णय गरेकाे छ । अभियान सञ्चालनका लागि सम्बन्धित जिल्लाका इन्चार्ज र सेक्रेटेरीलाई कमिसार र कमान्डर ताेकेकाे छ । अन्य जिल्लामा जनपरिचरालनका याेजना बनाइएकाे पार्टी प्रदेश सेक्रेटरी प्रवेशले जानकारी दिनुभयाे ।
त्यसैगरी अन्य प्रदेशमा पनि चैत्र २४ काे जनसभालाई लक्षित गरि जनपरिचालनका आवश्यक निर्णयहरु भएकाे र तयारी तीव्र रुपमा अगाडि बढाइएकाे सम्बद्ध स्राेतले जनाएकाे छ । 
जनसभा पार्टी सम्बद्ध देशभक्त जनगणतान्त्रिक माेर्चा, नेपालकाे ब्यानरमा गरिने बताइएकाे छ ।

प्रतिक्रिया

सम्बन्धित खवर