अखिल नेपाल क्रान्तिकारी ट्रेड युनियन महासंघको कार्यालयको विस्तारित बैठक सम्पन्न

महासंघले ६ ट्रेड युनियनहरुको कार्यगत एकतालाई अझै मजबुत, व्यवस्थित, प्रभावकारी र गतिशिल बनाउदै थप संघर्षका कार्यक्रमहरुलाई अगाडि बढाउने निर्णय

प्रकाशित मिति : २०७७ श्रावण २१

अखिल नेपाल क्रान्तिकारी ट्रेड युनियन महासंघको कार्यालयको विस्तारित बैठक कुपोन्डोल ललितपुरमा सम्पन्न भएको छ । महासंघका अध्यक्ष ईश्वर तिमिल्सिनाको अध्यक्षतामा सम्पन्न बैठकले कर्यालयले प्रस्तुत गरेको संक्षिप्त प्रतिवेदनलाई आवश्यक सुझाव सहित पारित गरेको छ । प्रतिवेदनमा आजको राष्ट्रिय परिस्थितिको बारेमा संक्षिप्त चर्चा गर्दै भनिएको छ, अहिले नेपालमा दलाल प्रतिक्रियावादी संसदीय व्यवस्था अन्तरगत अमेरिकी साम्राज्यवाद र भारतीय विस्तारवाद परस्त दलाल संसदवादी गुटहरुको सरकार छ । आफ्नो चरित्र अनुसार राष्ट्रघात, जनघात र जनाधिकारका आवाजमाथि घोषित र अघोषित प्रतिबन्ध र संस्थागत भ्रष्टाचारमार्फत यीनिहरु देशलाई लुट्ने प्रतिस्पर्धामा छन । अहिले एकातिर कोभिड–१९को त्रासदि र बन्दाबन्दी, मजदुर वर्गको रोजगारी,तलब सुविधा कटौती र मजदुरहरुको चर्र्को विचल्ली, भीषण बाढी पहिरो र व्यापाक जनधनको क्षती एवं जनतन्त्र र जनजिविका सँग सम्बन्धित निरन्तरका समस्याले सिङ्गो देश नै संकटग्रस्त बनेको स्थिति छ । यो संकटको फाइदा उठाउदै ओली सरकार राष्ट्रघात,जनघात र भ्रस्टाचारमा विलोप हुँदै छ भने सरकारसँग मिलेर मालिक वर्ग र ट्रेड युनियनवाद, अर्थवाद र संसदवादमा भासिएका मुख्यतः नेकपा(नेकपा) र नेका निकट कथित ट्रेड युनियनहरुले निरन्तर मजदुर विरोधी सम्झौता र गतिविधि गर्दै आएका छन । अर्र्कोतिर हाम्रो संगठनले निरन्तर मजदुर वर्गको हक, अधिकार र मुख्यतः मजदुर वर्गको राज्यसत्ता स्थापनाको पक्षमा एकल र संयुक्त कार्यक्रम मार्फत उनीहरुको विरोध र भण्डाफोर गर्दै आएको छ । यो सँगै अर्र्काे महत्वपूर्ण विषय भनेको मजदुर आन्दोलनमा देखा परेको वर्तमान संकटलाई गहिरो अध्ययन र विश्लेषण गरि मुख्यतः मजदुर वर्गलाई राजनीतिक र वैचारिक रुपले सचेत र संगठित गर्न पहल गर्ने हो भने यो संकट नेपाली मजदुर वर्गको इतिहासमा नयाँ एकता र ध्रुवीकरण सहित महान विजयको ऐतिहासिक प्रस्थान विन्दु हुन सक्ने बिशाल सम्भावना पनि हाम्रो बिचमा छ ।
यसैगरी बैठकले आगामी मंसिरसम्मको राजनीतिक र वैचारिक, संगठन र संघर्ष सम्बन्धि योजना पनि ठोस गरेको छ । जस अनुसार प्रकाशन र प्रचार तथा प्रशिक्षण, एक उद्योग, एक मजदुर र एक ईकाइको नीति अनुरुप व्यापक मजदुर सम्पर्क र संगठन विस्तार, घटकहरुको दर्ता, गाँस,बास,कपास,स्वास्थ्य,शिक्षा,सुरक्षा र रोजगारीलाई मजदुर वर्गको आधारभुत अधिकारका रूपमा स्थापित गर्न दीर्घकालीन संघर्षमा जोडदै मजदुर वर्गको रोजगारी, तलब सुविधा कटौती र मजदुर विरोधी सम्झौताको विरुद्ध इकाई, जिल्ला महासंघ, प्रदेश, पेशागत घटक र महासंघको तर्फबाट सशक्त विरोध प्रदर्शन, मजदुर पक्षीय बृहत अन्तरक्रिया सहितका योजना रहेका छन ।
यसैगरी महासंघले ६ ट्रेड युनियनहरुको कार्यगत एकतालाई अझै मजबुत, व्यवस्थित, प्रभावकारी र गतिशिल बनाउदै थप संघर्ष अगाडि बढाउने निर्णय समेत गरेको छ ।