नेकपा (क्रान्तिकारी माओवादी) निकट अखिल नेपाल क्रान्तिकारी ट्रेड युनियन महासंघको पेसागत संगठन अखिल नेपाल क्रान्तिकारी अटो मजदुर संघको चितवन जिल्ला भेला सम्पन्न भएको छ । नेकपा (क्रान्तिकारी माओवादी) चितवन जिल्ला सेक्रेटरी अशोक शर्माको प्रमुख आतिथ्यमा संपन्न भेलाले लेखनाथ न्यौपानेको अध्यक्षतामा दुई स्थान रिक्त सहित १३ सदस्यीय जिल्ला समिति निर्वाचित गरेको छ । समितिको उपाध्यक्ष, सचिव र कोषाध्यक्ष क्रमशः बद्राराम थापा,गोविन्द प्रसाद तिवारी र गोपाल केसी रहनुभएको छ भने सदस्यहरुमा फडिन्द्र ढुङ्गाना, सुधिर देवकोटा, हिरा थापामगर, लक्ष्मण महतो, कुमार थापा,गौतमरत्न बज्राचार्य र उमेश नेपाली रहनु भएको छ । भेलाले अटो मजदुरहरुमाथि राज्यले गरेको विभेद, उनीहरुका पेशागत हक अधिकारको पक्षमा संघर्षको उठान गर्ने तथा जिल्लाव्यापी अटो मजदुरहरुको संगठन निर्माण गर्ने समेत निर्णय गरेको छ । नव गठित जिल्ला समितिलाई पार्र्टी जिल्ला सेक्रेटरी अशोक शर्मा, मजदुर नेताहरु धर्म नहर्की तथा गोविन्द पौडेल लगायतले सफल कार्यकालको शुभकामना दिएका थिए ।
