नेकपा (क्रान्तिकारी माओवादी) निकट अखिल नेपाल क्रान्तिकारी ट्रेड युनियन महासंघको कार्यालयको विस्तारित बैठक बौद्ध, काठमाडौमा सम्पन्न भएको छ । महासंघका अध्यक्ष ईश्वर तिमिल्सिनाको अध्यक्षतामा सम्पन्न बैठक कोभिड–१९ को विश्वव्यापी त्रासदी सँगै शुरु भएको बन्दाबन्दीले नेपाली श्रम बजारमा काम गर्ने मजदुर एवं वैदेशिक रोजगारीको शिलशिलामा भारत प्रवास सहित मलेसिया र मध्यपुर्व लगायतका देशहरुमा काम गर्ने नेपाली मजदुरहरुले भोगिरहेको संकटका विषयमा केन्द्रित रहेको थियो । बैठकले कोभिड–१९ एक स्वास्थ्य समस्या भए पनि हाल प्रचार भए जस्तो भीषण महामारी नभएको तर यसले सिङ्गो मानवजाती र विश्व अर्थतन्त्रलाई भने अस्तव्यस्त बनाएको र यहि अवस्था कायम रहे विश्वव्यापी रुपमा गरिबी, असमानता र बेरोजगारी चुलिदै अझै जटिल र नयाँ संकटहरु आउन सक्ने ठहर गरेको छ । बैठकले अहिलेको संकटमा सरकारले मजदुर वर्गको पक्षमा विशेष राहत कार्यक्रम ल््याउन नसकेको र मजदुर वर्गलाई उपेक्षा गरेको प्रती संगठनको विरोध रहेको निष्कर्ष निकाल्दै आगामी दिनमा सरकार र सम्बन्धित निकायको ध्यानाकर्षण सहित देशव्यापी ठोस संघर्षका कार्यक्रमको तयारी गरेको छ । यसैगरी आगामी संघर्षमा सहयोग गर्न सम्पुर्ण मजदुर वर्गलाई अपिल समेत गरेको छ । बैठकले राज्यपक्षलाई अविलम्ब नेपाली मजदुरहरुको वास्तविक तथ्यांक सार्वजनिक गर्न, संकटको बेला मजदुरहरुको तलब कटौती गर्ने र रोजगार बाट निष्कासन गर्ने पक्षलाई कारवाही गर्न, अहिलेको संकट कायम रहँदा सम्म मजदुर वर्गको घरभाडा र स्वास्थ्य उपचार निशुल्क गर्न र मजदुर केन्द्रित बेरोजगार भत्ताको व्यवस्था गर्न माग गरेको छ । यसैगरी वैदेशिक रोजगारीको शिलशिलामा भारत, मलेसिया र मध्यपुर्व सहितका देशहरुमा रहेका नेपाली मजदुरहरुको स्थिति अविलम्ब सार्वजनिक गरि आवश्यक विधि र मापदण्ड बनाई उहाँहरुको स्वदेश आउने प्रक्रियालाई सहज गर्न समेत माग गरेको छ । बैठकमा राष्ट्रिय स्वाधीनता, एमसीसी र हाम्रो निरन्तरको आन्दोलन र व्यापक जनदबाबको जगमा सरकारले जारी गरेको नयाँ राजनीतिक नक्सा प्रकरण सँगै सुरु भएका नयाँ घटनाक्रमको विषयमा पनि छलफल गरिएको महासंघका महासचिव वसन्त बोगटीले बताएका छन् ।
मजदुर महासंघको कार्यलयको विस्तारित बैठक सम्पन्न ।
बैठकको निष्कर्षहरु
१.कोभिड–१९ को त्रासदी र जारी लकडाउनले विश्व पुँजीबजार प्रभावित, मजदुर वर्ग संकटपुर्ण स्थितिमा ।
२. रोग भन्दा भोक निर्णायक बन्दै ।
३. मजदुरलाई तत्काल विशेष राहतको घोषणाको माग ।
४. यो संकट कायम रहँदासम्म सरकारले मजदुर वर्गको घरभाडा र स्वास्थ्य उपचार निशुल्क गर्नु पर्ने ।
५. मजदुर विशेष बेरोजगारी भत्ताको व्यवस्था जरुरी ।
६. संगठनको सुदृढीकरण र न्युनतम संघर्षको तयारी ।
मजदुर महासंघको कार्यलयको विस्तारित बैठक सम्पन्न ।
बैठकको निष्कर्षहरु
१.कोभिड–१९ को त्रासदी र जारी लकडाउनले विश्व पुँजीबजार प्रभावित, मजदुर वर्ग संकटपुर्ण स्थितिमा ।
२. रोग भन्दा भोक निर्णायक बन्दै ।
३. मजदुरलाई तत्काल विशेष राहतको घोषणाको माग ।
४. यो संकट कायम रहँदासम्म सरकारले मजदुर वर्गको घरभाडा र स्वास्थ्य उपचार निशुल्क गर्नु पर्ने ।
५. मजदुर विशेष बेरोजगारी भत्ताको व्यवस्था जरुरी ।
६. संगठनको सुदृढीकरण र न्युनतम संघर्षको तयारी ।
