बैशाख २६,काठमान्डौ
सरकारले विगतमा गरेका कतिपय गम्भीर गल्ती कमजोरीका कारण आज कोरोना भाइरस नेपालमा पनि तीब्ररुपमा फैलिँदै छ । अहिले सम्म १०१ जनामा संक्रमित भैसकेको छ र समुदायमा फैलिने चरणमा प्रवेश गरेको छ । यसको रोकथाम, नियन्त्रण तथा नेपालको सिमानामा आएर अलपत्र परेका नेपाली नागरिकहरुलाई सुरक्षित क्वारेण्टाइनमा राख्ने प्रभावकारी व्यवस्था मिलाएर नेपाल ल्याउने कामगर्न समेत यो सरकार असफल देखिएको छ । यो सरकार अहिले विभिन्न किसिमका बयानवाजी गरी कोरोना भाइरसलगायत नेपाली जनताका रोग, भोक र गरीवीका समस्याहरुलाई समाधान गर्नुको बदलावा तिनलाई अर्काे दिशा तिर मोड्ने प्रयत्न गर्दैछ ।
यीनै समसामयिक समस्याहरुलाई लिएर देशभक्त जनगणतान्त्रिक मोर्चा नेपालका अध्यक्ष सी पी गजुरेलले एक प्रेस वकतव्य प्रकाशित गरेका छन् । प्रेस वकतव्यको पूर्णपाठ तल दिइएको छ ।
प्रेस वक्तव्य
केही महत्वपूर्ण विषयमा हाम्रो संगठनको नीति स्पष्ट पार्नकालागि यो प्रेस वक्तव्य जारि गरिएको छ ।
१.विश्वव्यापी महामारी कोभिड १९ का विषयमा हाम्रो भनाई निम्न अनुसार रहेको छ ः
(क) सरकारले विगतमा गरेका कतिपय गम्भीर गल्ती कमजोरीका कारण आज कोरोना भाइरस नेपालमा पनि तीब्ररुपमा फैलिँदै छ । अहिलेसम्म १०१ जनामा संक्रमित भैसकेको छ र समुदायमा फैलने चरणमा प्रवेश गरेको छ । यसको रोकथाम र नियन्त्रणलाई सर्बोपरि राखी आगामी बजेटमा रकमको व्यवस्था गरिनु पर्दछ । परीक्षण, ट्रेसिङका लागि आवश्यक सम्पूर्ण व्यवस्था गरी यसलाई तीब्रता दिइनु पर्दछ । यसमा हुने ढिलाई क्षम्य हुन सक्दैन ।
(ख) परीक्षणको आर् डी टी विधिलाई बन्द गरी पी सी आर् विधी को प्रयोग गरिनु पर्दछ । परीक्षण र अन्य स्वास्थ सामग्रीको तुरुन्त व्यवस्था गरिनु पर्दछ ।
(ग) लक्डाउन् लागु गर्दा भेदभाव हुनु हुँदैन । सबैकालागि समान रुपमा लागु गरिनु पर्दछ ।
(घ) लक्डाउन्मा दैनिक श्रमगरेर धानिने र तल्लो वर्गका जनताको, बेरोजगारहरुको खाने र अन्य दैनिक समस्याको व्यवस्था अनिवार्यरुपमा गरिनु पर्दछ ।
(ङ) वितरण गरिने राहतमा हुने भेदभावको अन्त गरी आवश्यक सबैलाई समान रुपमा वितरण गरिनु पर्छ ।
(च) रोजगारी र अध्ययनका लागि विदेशमा गएर लक्डाउन्मा फसेका सबै नेपाली नागरिकको व्यवस्थाका लागि कुटनीतिक पहल जोडदार रुपमा गरिनु पर्दछ । अत्यन्त अप्ठेरोमा फसेका नेपाली नागरिकलाई स्वास्थ जाँच गराई क्वारेण्टाइनमा राख्ने व्यवस्था मिलाई नेपाल ल्याउने व्यवस्था गरिनु पर्दछ ।
(छ) नेपालको सिमानामा आएर अलपत्र परेका नेपाली नागरिकहरुलाई सुरक्षित क्वारेण्टाइनमा राख्ने व्यवस्था मिलाई नेपाल ल्याउने व्यवस्था गरिनु पर्दछ ।
२.युद्ध कालका मुद्दालाई सत्य निरुपण आयोग, बेपत्ता छानविन आयोग मार्फत टुंग्याउने निर्णयमा कायम रही मुद्दा छिटो भन्दा छिटो टुंग्याइनु पर्दछ । अन्य कुनै पनि किसिमका बयानवाजी गरी अर्काे दिशा तिर मोड्ने काम गरिनु हुँदैन ।
(सी पी गजुरेल अध्यक्ष
२०७७ । १ । २६
