देशैभरी विरोधसभाहरु गर्ने १०दलीय नीर्णयअनुसार सिन्धुली जिल्लाको सदरमुकाम सिन्धुली बजारको लोकतान्त्रिक चौतारामा ‘राष्ट्रिय स्वाधिनताको रक्षा र एमसीसीको विरोध’ मा नेकपा (क्रान्तिकारी माओवादी), नेकपा(मसाल), नेकपा(माले), नेकपा(संयुक्त), देजमो नेपाल, राजमो नेपाल, जनसमाजवादी दल र राष्ट्रिय जागरण परिषदलगायत दलहरुको सहभागितामा विरोध सभा सम्पन्न भएको छ ।
उक्त विरोधसभामा नेकपा (क्रान्तिकारी माआवादी)का केन्द्रीय सदस्य तथा जिल्ला इन्चार्ज ले राष्ट्रिय स्वाधिनता र क्षेत्रीय अखण्डताको रक्षाका लागि र एमसीसीको विरोधमा १० दलीय संयुक्त आन्दोलन गर्ने केन्द्ीय निर्णयअनुसार भारतीय नक्सामा पारिएको नेपाली भूमि भारतीय नक्साबाट हटाएर नेपालको नक्सामा नपारेसम्म, कालापानीबाट भारतीय सेना नहटाएसम्म र एमसीसी खारेज नगरेसम्म विशाल जनआन्दोलन र नेपाल बन्दसम्म जाने १०दलको निर्णयअनुसार ७७वटै जिल्लामा कार्यक्रम भएका र यो जिल्लामा पनि यस सिन्धुली माडी बजारको लोकतान्त्रिक चौतारामा विरोधसभा राखिएको वारे जानकारी दिंदै चैत्र २४ गते विशाल जनप्रदर्शनका लागि काठमान्डौ जान पनि उनले अनुरोध गरेका थिए । उक्त कार्यक्रममा विभिन्न राजनीतिक दलका नेता तथा कार्यकर्ता र राजामोका जिल्ला नेता हिरा श्रेष्ठको उपस्थिति थियो । कार्यक्रमको सञ्चालन देशमो नेपालका जिल्ला अध्यक्ष ढकप्रसाद देवकोटाले गरेका थिए ।
