नेकपा (क्रान्तिकारी माओवादी) समर्थित जिल्ला जनगणतान्त्रीक सम्पर्क मञ्च केन्द्रीय समितिले बृहत बनभोज तथा अन्तरक्रिया कार्यक्रम सम्पन्न

प्रकाशित मिति : २०७६ माघ २८

- सम्वाददाता मूलबाटो डट्कम

 

नेकपा (क्रान्तिकारी माओवादी) समर्थित जिल्ला जनगणतान्त्रीक सम्पर्क मञ्च केन्द्रीय समितिले राजधानीको शहिद पार्क गोकर्णमा बृहत बनभोज तथा अन्तरक्रिया कार्यक्रम सम्पन्न गरेको छ । विष्णु खड्काले अध्यक्षता गरेको वनभोज समारोहमा पार्टीका तर्फबाट स्थायी समिती सदस्य क। गौरव प्रमुख अतिथी , एवं अतिथी हरुमा पिबिएम क। दिनेश शर्मा सागर, पिबिएम क।अम्बिका मुडवरी, सिसिएमहरु क।ईश्वर तिमिल्सिना, क।शारदा महत, क।बसन्त बोगटी, क। गोविन्द पौडेल सहित भुगोल र विभिन्न जनवर्गीय सङ्गठनहरु बाट अतिथी कमरेड हरुको उपस्थिति रहेको थियो ।

अन्तरक्रियामा बोल्दै प्रमुख अतिथी क।गौरवले हिजो अर्को को हलो जोत्ने प्रधानमन्त्री केपि ओलि र प्रचण्डहरु आज अरबौको मालिक मात्रै बनेका छैनन अपितु राजनीतिक शक्तिको आडमा राष्ट्रिय ढुकुटी माथी चरम ब्रहमलुट गर्दैछन । सरकार संस्थागत भ्रष्टाचारमा अगाडि बढेको छ । नेपाली जनताको अबको एक मात्रै विकल्प भनेको सबैखाले शोषण, दमन र उत्पीडनको विरुद्धमा लड्नु, राष्ट्रिय स्वाधीनताको पक्षमा जन आन्दोलनको सृष्टि गर्नु र वर्तमान प्रतिक्रियावादी दलाल व्यवस्थाको विरुद्धमा जन गणतन्त्र स्थापनको आधार निर्माण गर्ने संघर्षमा निरन्तर सक्रिय भुमिका निर्वाह गर्न सम्पुर्ण सचेत देशभक्त र क्रान्तिकारी जनसमुदायमा अपिल समेत गर्नु भयो । कार्यक्रममा महिला संघ क्रान्तिकारीका अध्यक्ष क। अम्बिका मुडवरी, अखिल नेपाल क्रान्तिकारी ट्रेड युनियन महासङघका महासचिव क।वसन्त बोगटी समेतले विचार सम्प्रेषण गर्नु भएको थियो । दुई चरणमा सम्पन्न भएको कार्यक्रममा विष्णु खड्काले अध्यक्षता गरेको औपचारिक कार्यक्रम समापन भए सगै विविध साङ्गितिक र सास्कृतिक प्रस्तुति समेत प्रस्तुत गरिएको थियो