सोलुखुम्बु । सगरमाथा आरोहणका क्रममा ५० वर्षीय अमेरिकी नागरिक रोल्याण्ड एयर उडको मृत्यु भएको छ ।
चिकित्सकसमेत रहेका उनको आइतबार आठ हजार ४ सय मिटरको उचाइमा मृत्यु भएको हो ।
उनीसँगै यस वर्ष सगरमाथामा आरोहणका क्रममा ज्यान गुमाउनेको संख्या तीन पुगेको छ ।
यसअघि नेपाली नागरिक मीनबहादुर शेरचनको आधार शिविरमा मृत्यु भएको थियो भने स्वीस नागरिक युली स्टेकको पनि आधार शिविरमै मृत्यु भएको थियो ।
आरोहण सकेर फर्कदै गरेका एक भारतीय नागरिक पनि शनिबारदेखि हराइरहेको बताइएको छ ।
यस वर्ष आइतबारसम्ममा १२० भन्दा बढी आरोही शिखरमा पुगेका छन् । आरोहणका लागि कुल ३७४ जनाले अनुमति लिएकोमा आइतबारसम्म करिब १२० जना शिखरमा पुगेका हुन् ।
