चैत्र ६, २०७९

म्यानचेस्टर — म्यानचेस्टर युनाइटेडले एक गोलले पछाडि रहेको स्थिति उल्टाएर आइतबार फुलहमलाई ३–१ ले पराजित गर्दै एफएकपको सेमिफाइनल यात्रा तय गरेको छ । खेलको अन्त्यमा फुलहम नौ खेलाडीमा सीमित रहेको थियो ।
ओल्ड ट्रायफोर्डमा भएको खेलमा फुलहमले १५ मिनेटको अन्तरमा तीन गोल खाएको थियो । यसमध्ये दुई गोल ब्रुनो फर्नान्डेजको नाममा रह्यो भने एक गोल मार्सेल सबिट्जरले गरे ।

वेम्बलीमा हुने सेमिफाइनलमा युनाइटेडले अब ब्राइटनको सामना गर्नेछ । अर्को सेमिफाइनलमा म्यानचेस्टर सिटी र सेफिल्ड युनाइटेड भिड्ने छन् ।