विश्व प्रसिध्द भियतनामी माक्र्सबादी नेताको जन्म आजकै दिन १९ मे १८९०मा भएको थियो । हो चिमिन्हको १३१औं जन्म जयन्ति स्मरणको अवसरमा ’सादा जीवन र उच्च बिचारका अप्रतिम प्रतिमूर्ति’ काका होप्रति उच्च सम्मानका साथ हार्दिक श्रद्धा सुमन ! अमर छन् काका हो ! महान नेता तथा सादा जीवन र उच्च बिचारका एक जीबन्त प्रतिमूर्ति काका हो चिमिन्हबाट सिकौं ! देश र जनता तथा स्वाधीनता र स्वतन्त्रताका लागि अबिचलितरुपमा अग्रसर होऔं !
जतिबेला भियतनाम बिश्व साम्राज्यवादी शक्ति अमेरिकाका बिरुद्ध भिषण राष्ट्रिय मुक्ति आन्दोलनमा सम्पूर्ण शक्तिकासाथ लडिरहेको थियो, त्यसबेला एशिया, अफ्रिका र ल्याटिन अमेरिकाका अतिरिक्त यूरोप र अमेरिकामा समेत भियतनामी जनता र उनीहरुको न्यायपूर्ण युद्धको पक्षमा काका हो चि मिन्हको समर्थमा सारा बिश्वमा यो नारा लागेको थियो ‘तिम्रो नाम, मेरो नाम भियतनाम भियतनाम’ ।
त्यो जनता र राष्ट्रको मुक्तिका निमित्त अथक रुपमा लड्ने र नेतृत्व गर्ने महान माक्र्सवादी नेता थिए कका हो चिमिन्ह ! देश र जनताप्रति खाशगरी सर्बहारा श्रमजीबी बर्गको मुक्ति र समुन्नतिका निमित्त अत्यन्तै उच्च निष्ठा,आदर्श, त्याग र नैतिकताकासाथ समर्पित एक अतुलनीय भियतनामी नेता थिए उनी । उनकै नेतृत्वमा भएको भिषण संघर्षमा भियतनाममाथि अति नै विषालु नापाम बम बर्षा गर्ने शक्तिशाली अमेरिका भियतनामबाट भाग्नु परेको थियो । ती भियतनामी जनताका नेतालाई सबैले श्रद्धापूर्वक ‘काका हो’ भनेर प्यारो सम्वोधन गर्ने गर्दथे । उनका अनेक रचनात्मक कृतिहरू मध्ये ‘क्रान्तिकारी नैतिकता’ बिश्वब्यापीरूपमा नै चर्चित र क्रान्तकारीहरूका लागि जनता र राष्ट्रको सेवामा समर्पित भएर लाग्न अतिनै प्रेरणादायी कृति मानिन्छ ।
व्र्तमान कम्युनिस्ट आन्दोलन जसमा कम्युनिस्ट नैतिकताले ओतप्रोत भएका नेताहरु भेट्टाउन कठिन भइरहेको अवस्थामा हो चिमिन्हव्दारा रचित ‘क्रान्तिकारी नैतिकता’ कृति खोजी खोजी अध्ययन गर्न र त्यसलाई व्यवहारमा लागु गर्न आवश्यक देखिएको छ । दलाल नोकरशाहाहरु, सामन्तहरु र विचौलियाहरुले आफूलाई कम्युनिस्ट हौ भनेर जनतामा भ्रम पारिरहेको समयमा उक्त कृतिले यी नक्कली कम्युनिस्टहरको वास्तविक अनुहार देखाउन मद्त गर्दछ ।
