कोरोना संक्रमितको संख्या ७६ हजार २५८ पुग्यो, निको भए ५५ हजार ३७१ जना, ४९१ जनाको मृत्यु

काठमाडौं । पछिल्लो २४ घण्टामा १५१३ जनामा कोरोना भाइरस (कोभिड(१९) को संक्रमण पुष्टि भएको स्वास्थ्य मन्त्रालयले जनाएको छ ।

देशभरका प्रयोगशाला १० हजार ८९२ नमुना परीक्षण गर्दा उनीहरुमा संक्रमण पुष्टि भएको हो । काठमाडौं उपत्यकामा मात्र ९३४ संक्रमित थपिएका छन् ।

यससँगै कुल संक्रमितको संख्या ७६ हजार २५८ पुगेको छ । उनीहरुमध्ये ४९१ जनाको मृत्यु भएको छ भने ५५ हजार ३७१ जना संक्रमणमुक्त भएका छन् । पछिल्लो २४ घण्टामा संक्रमण मुक्त हुनेको संख्या ७३१ रहेको छ । आजसम्मको तथ्यांक अनुसार देशभर २० हजार ३९६ संक्रिय संक्रमित रहेका छन् ।