वैषाख २८, काठमान्डौ,
देशभक्त जनगणतान्त्रीक मोर्चा नेपाल कर्णाली प्रदेश संगठन समितिका अध्यक्ष दिपकबहादुर शाहीले एक प्रेश वक्तब्यद्धारा कर्णाली प्रदेशको ग्रामिण भेगमा महामारीको उच्च जोखिम रहेको हुँदा ट्रेसिङ्ग र परिक्षणको दायरा बढाउन कर्णाली प्रदेश सरकारको ध्यानाकर्षण गराएका छन् । साथै सिङ्गो देश कोरोना महामारीको विरुद्धमा लडिरहेको अवस्थामा भारतीय विस्तारवादी शासकहरुद्धारा नेपालको कालापानी क्षेत्रमा नेपाली भुमी अतिक्रमित गरी बाटो बनाउने कार्य गरेर नेपालको सार्वभौमिक्ता र भौगोलिक अखण्डता माथिको ठाडो हस्तक्षेप भएकोमा  भारतीय पक्षलाई नेपाली भुमीबाट तुरुन्त पछि हट्न चेतावनी दिएका छन् र नेपाल सरकारसंग यसबारेमा तुरुन्त आफ्नो दृष्टिकोण र्सावजनीक गरेर सीमा अतिक्रमणको विषयलाई अन्तर्राष्ट्रियकरण गर्न जोडदार माग गरेका छन् । वक्तब्यको पूर्ण पाठ तल दिइएकोछः
प्रेश वक्तब्य
झण्डै २ महिना अघिदेखि कोरोना महामारीका कारण देश बन्दा बन्दीमा छ । लाखौं नेपाली नागरीक देश भित्र र वाहीर रोजगारी गुमाएपछि गाँस र बासको अभावमा अलपत्र छन् । स्वास्थ्य सामाग्री र जनशक्तिको अभावमा स्वास्थ्य परिक्षण कार्यक्रम समेत प्रभावित भएको छ । देशब्यापी यस्तो अवस्था विद्यमान छ । त्यसमा पनि लकडाउन सुरु भईसकेपछि १५ हजार भन्दा बढी नागरिकहरु भारतबाट कर्णाली प्रदेशमा भित्रिएको अनुमान छ । उनीहरुको परिक्षण त टाढाको कुरा हो उनीहरु कहाँ कुन अवस्थामा छन् एकिन गर्न सक्ने अवस्था समेत छैन । यसकारण कर्णाली प्रदेशको ग्रामिण भेगमा महामारीको उच्च जोखिम रहेको हुँदा ट्रेसिङ्ग र परिक्षणको दायरा बढाउन कर्णाली प्रदेश सरकारको ध्यानाकर्षण गराईन्छ ।
सिङ्गो देश कोरोना महामारीको विरुद्धमा लडिरहेको अवस्थामा भारतीय विस्तारवादी शासकहरुद्धारा नेपालको कालापानी क्षेत्रमा नेपाली भुमी अतिक्रमित गरी बाटो बनाउने कार्य गरेर नेपालको सार्वभौमिक्ता र भौगोलिक अखण्डता माथिको ठाडो हस्तक्षेप भएको छ । भारतीय पक्षलाई नेपाली भुमीबाट तुरुन्त पछि हट्न चेतावनी दिन चहान्छौं र नेपाल सरकारले यसबारेमा तुरुन्त आफ्नो दृष्टिकोण र्सावजनीक गरेर सीमा अतिक्रमणको विषयलाई अन्तर्राष्ट्रियकरण गर्न जोडदार माग गर्दछौं । साथै भारतीय अतिक्रमणका विरुद्ध प्रदर्शनमा उत्रियका विद्यार्थी लगायतका जनसमुदाय माथि गरेको प्रहरी हस्तक्षपको समेत भत्सर्ना गर्दछौं । यस्तो नाङ्गो हस्तक्षेपका विरुद्धमा सम्पुर्ण देशभक्त न्यायप्रेमी जनसमुदायहरुलाई आन्दोलनमा एक्यवद्धता जाहेर गर्न हार्दिक आव्हान गर्न चहान्छौं ।
दिपकबहादुर शाही
अध्यक्ष
देशभक्त जनगणतान्त्रीक मोर्चा नेपाल
कर्णाली प्रदेश संगठन समिति
मिति ः२०७७ वैषाख २८

हार्दिक शुभकामना !

प्रतिक्रिया

सम्बन्धित खवर