क्रान्तिकारी माओवादीको अभियान टोलीले फागुन १४ गते रोल्पाका विभिन्न गाउँहरुको कार्यक्रम सफलतापूर्वक सम्पन्न गरी १५ गते रोल्पाको वागमारा गाउँ पालिका वार्ड नं. ३ मा कोण सभाको आयोजना गरेको जानकारी प्राप्त भएको छ । जसमा संचालक महेश श्रेष्ठ र वक्तामा धनेश्वर पोख्रेल थिए । त्यसैगरी पूवी रुकुमको भुमे गाउँपालिका वार्ड नं. ९ चुनवांग गैरीगाउँमा अर्को कोणसभा सम्पन्न गरियो , जसको संचालन दिल बहादुर कठायतले गरेका थिए भने उक्त कोणसभालाई निरज के.सी.ले सम्वोधन गरेका थिए । उक्त कार्यक्रममा अमरले क्रान्तिकारी गित गाएका थिए । त्यसपछि रोल्पाकै परिवर्तन गाउँपालिका वार्ड नं. १ खरीबोटमा कोणसभाको आयोजना गरियो र यसको संचालन महेश श्रेष्ठले गरेका थिए भने सम्वोधन निरज के.सी.ले गरेका थिए । 
रोल्पा जिल्लाको अन्तिम कार्यक्रमका रुपमा थवांग गाउँमा कार्यक्रमको आयोजना गरियो, जसलाई निरज के.सी., भुपेन्द्र न्यौपाने र धनेश्वर पोख्रेलले सम्वोधन गरेका थिए भने दिल बहादुर कठायतले संचालन गरेका थिए । उक्त सभामा अमरले केही क्रान्तिकारी गित गाएका थिए ।
