माओवादी एकताया छगू मेगु पक्ष धयागु एमाओवादी व एमालेया दथ्वीया एकता खः । न्हूग्ुा जनवादी क्रान्तियात त्वःताः समाजवादीया नारा थ्वयेकेगु ज्या यायेवं धात्थेंला एमाओवादी व एमालेया दथ्वी सैद्धातिक खँ नं छथाय् लाःवःगु खः । निगू दलं नं माक्सवादयात त्वःतूगु अवस्थाय् संसदीय व्यवस्था दुनेया राजनीतिक भागवन्दाय् अंशियार जूवःपिनिगु दलतयगु दथ्वी एकता अवश्यांभावी खः ।
एमाओवादी व एमालेया दथ्वी पार्टी एकताया नितिं छलफल नं जुल । प्रचण्डयात एमाले पाखें अस्वीकार यायेगु छुं मेगु कारण नं मदु । एमाओवादीया नायः पुष्पकमल दाहाल प्रचण्ड माओवादप्रति गद्दारी यानाः गद्दार सिद्ध जूम्ह प्रचण्डया मूल्य, मान्यता व कार्यशैली धयागु क्रान्तिकारी नाप छुं हे मेल व सामान्यज्यतां मदु । तर जनताया बहुदलीय जनवादया सिद्धान्तनाप जक शत प्रतिशत मिले जूवःगु दु । थःयात हयाउँगु ध्वांय् क्वय तयाः ईंचा व मुगः जनताया पक्षय मखु थःगु काय् भौ, म्ह्याय्या नितिं छ्यलेत स्वइम्ह दाहाल धात्थेंला एमालेया पुलांम्ह मूछ्याञ्जे अले बहुदलीय जनवाद धयागु गैरकम्युनिष्ट पार्टी, मात्रै उच्च व धरानी अले धनीतय्गु स्वार्थया प्रतिनिधित्व याइग्ुा पार्टीइ पतन जूवनेवं प्रचण्डया विचाः नाप मिलय जूवनीग्ुा धयागु एमालेनाप अन्ततः पार्टी एकीकरण यायेगुहे खः ।
एमाले पार्टीया विधानं साम्यवाद यातनं चीकूगु दु । एमाओवादीं नं न्हूग्ुा जनवादी क्रान्तिया थासय् समाजवादीया शब्द तयाः आमजनता व पार्टीया कार्य कर्तातय्त धों लाय्गु ज्या याःगु दु । एमालें थःयात उदार पूँजीवादी पार्टीइ रुपान्तरण याःगु दु । बहुदलीय जनवादयात माक्र्सवादया विकसित रुप ः धाधां भ्रम बीत स्वःगु दु । थुयान्ह्यः लोकतन्त्रय मूल्य व मान्यतायात न्यागूगु महाधिवेशनं ज्वंगु खःसा गुंगूगु महाधिवेशन थ्यं वलय पूर्णत कम्युनिष्ट शब्दयात हे चीकाः नेपाली कांग्रेसया भाई पार्टीयारुपय् थःयात थंगु खः । एमालें बहुदलीय जनवाद मार्फत समाजवादय् रुपान्तरण यायेफैग्ुा वकवास खँयात न्ह्यःनेतइसा एमाओवादीया हेटौडाय् जूगु महाधिवेशनं समाजवादी क्रान्तिहे थौंया मू मुद्दा जूग्ुा उदघोष यागु खः । थ्व वाहेक थःगु कृयाकलाप व गतिविधि नं एमाओवादीं माक्र्सवाद लेनिनवाद व माओ विचाः यात त्वःतूगु खँ आः सुयागुं मिखां नं त्वपूगु खँ मखुत । अथ्यहे एमाले नं माक्र्सवादयात त्वःताः मदन भण्डारीया बहुदलीय जनवाद यातहे माक्र्सवादया विकसित रुप धाधां एमाले माक्र्सवाद त्वःतूगु खय्ँ छुं विवाद ल्यं मदु ।
थुगु व थुज्वःगु अवस्थाय् एमाओवादी व एमालेया दथ्वी खास भिन्नता छुं ल्यं मदु । न्ह्याःना च्वंगु पूँजीवादयाहे सेवाः याना राजनीति यायेगु क्वछ्यूगु थुपिं निगु दलदथ्वी पार्टी एकता जुइमाःगु मान्यताकथंहे निगु दलया दथ्वी पार्टी एकताया प्रकृया न्ह्याःगु खः ।
थुगु निगु दल दथ्वीया पार्टी एकताया छुं समस्या मदु । निगुलिं माक्र्सवादयात त्वःताः पूँजीवादी व्यवस्थाया सेवा याइगु दल जुइवं सिद्धान्तत छुं समस्याहे मदुगु खः । छुं समस्या धयागु पुष्पकमल दाहालयात पार्टीया नायः कथं स्वीकार यायेगु वा मयायेगु जक खः । निगू दलदथ्वी पार्टी एकता जुल धाःसा एमाले दुने केपी शर्माया ओलीया थासय् पुष्पकमल दाहालयात पार्टीया अध्यक्षया रुपय् स्वीकार यायेत छुं थाकूगु खँ मखु । छायधाःसा प्रचण्ड स्तरया नेता एमाले दुने सु ल्यंदनिथें मच्वं । एमालेया नेतृत्व प्रचण्डयात बीगु खँय् नं आन्तरिकरुपं अप्वः एमालेया नेतात सहमति याये धुंकूगु अवस्थाय् नं आपुलुखं एमाले एमाओवादीया दथ्वी न्ह्याःगु पार्टी एकताया प्रकृया छाय् दित ? धयागु न्ह्यसःया स्पष्ट लिसः मवल । आन्तरिक रुपं न्हःनाच्वंगु उगु निगु दल दथ्वीया एकताया खँ मिडियाय् उलि पिहां नं मवः । थुकि यानाः एमाओवादी नापया एकता नेकपा, माओवादी नाप जुइग्ुा खँ जक मिडियाय् वल व एमाले नापया एकता प्रकृयापाखें छाय् पिने पिहां वल धयागु न्ह्यसः अहम न्ह्यसः जूवंगु दु ।
पार्टी एकता धयागु उदेश्य वा सिद्धान्त हे मिलमजूगु दलनाप जुइगु ला न्ह्यसः हे दनावइ मखु । नेकपा माओवादीनाप पार्टी एक्ताया खँ गुलि मिडियाय् वल, उलि ला मेगु छुंनं दलनाप जुइगु खँ मवः । नेकपा माओवादी (हाल नेकपा क्रान्तिकारी माओवादी) नाप प्रचण्डं छाय पार्टी एकता यायेत निरन्तररुपं दवावय् तयाः कुतःयात ? धयागु खँ नं तसकं सोचय् याये वहगु व मनन योग्य खँ खः । जबकि प्रचण्डनाप सम्वन्ध विच्छेड यायेमाःगु कारण धयागुहे प्रचण्डं माक्सवादी सिद्धान्त त्वःतूगु , संगठानात्मकरुपं जनवादी केन्द्रियता त्वःतूगु, वल छयलेगु सिद्धान्त त्वःतूगु आदि कारणं खः । थुकिया नितिं नेकपा माओवादीपाखें खुगू बुंदे शर्त नापं प्रचण्डयात न्ह्यःने तःगु खः । उगु शर्तयात पालन याये, मानय याये धकाः बारंम्वार मौखिकरुपं स्वीकार नं याःगु खः । तर लिखित स्वीकृति बी बी धाधां नं मब्यूगु खः । थुकिं यानाः प्रचण्डप्रति शतप्रतिशत विश्वास नं यायेत थाकूगु खः ।
……..कथहं
