माओवादी केन्द्रका संसदीय दलका नेता कुलप्रसाद केसीले ४२ सांसदको हस्ताक्षरसहित नयाँ सरकार गठनका लागि प्रदेश प्रमुखसमक्ष दाबी पेस गरेका छन् । प्रदेश प्रमुख धर्मनाथप्रसाद यादवले एमाले संसदीय दलका नेता शंकर पोखरेललाई मुख्यमन्त्री नियुक्त गरेलगत्तै ४२ सांसदको हस्ताक्षरसहित केसीले दाबी गरेका हुन् ।
केसीको पक्षमा सूर्य चिह्नबाट चुनाव जितेका स्वतन्त्र राजनीतिक समूहका धर्मबहादुर लाल श्रीवास्तव र अजय शाही तथा तत्कालीन नेकपाबाट चुनाव जितेकी विमला वलीले पनि हस्ताक्षर गरेका छन् ।
